Human Trafficking: చేతులపై బెర్త్, సీటు నంబర్లు.. ట్రాఫికింగ్ నుంచి 56 మంది మహిళలను రక్షించిన పోలీసులు
పశ్చిమ బెంగాల్లోని న్యూ జల్పాయ్గురి రైల్వే స్టేషన్లో ఒక సంచలన సంఘటన వెలుగులోకి వచ్చింది. మానవ ట్రాఫికింగ్ కుట్రను భగ్నం చేస్తూ 56 మంది అమాయక యువతులను చాకచక్యంగా రక్షించారు. బెంగళూరులో మంచి ఉద్యోగాలు ఇప్పిస్తామని నమ్మబలికి, నీచమైన ఉద్దేశంతో వారిని తరలిస్తున్న ఇద్దరు నిందితులను రైల్వే అధికారులు అరెస్ట్ చేశారు.
న్యూ జల్పాయ్గురి-పాట్నా క్యాపిటల్ ఎక్స్ప్రెస్ రైలులో సోమవారం రాత్రి రైల్వే ప్రొటెక్షన్ ఫోర్స్ (ఆర్పీఎఫ్), టికెట్ ఎగ్జామినింగ్ సిబ్బంది సాధారణ తనిఖీలు నిర్వహిస్తుండగా ఈ ఘటన బయటపడింది. 18 నుంచి 31 ఏళ్ల వయసు గల ఈ 56 మంది మహిళలు పశ్చిమ బెంగాల్లోని జల్పాయ్గురి, కూచ్ బెహార్, అలిపుర్ద్వార్ జిల్లాల నుంచి వచ్చినవారు.
వారి వద్ద టికెట్లు లేకపోవడం, అనుమానాస్పదంగా వారి చేతులపై కోచ్, బెర్త్ నంబర్లు ముద్రించి ఉండటం అధికారులకు అనుమానం కలిగించింది. దీంతో వారిని ప్రశ్నించగా, వారిని తీసుకెళ్తున్న ఒక పురుషుడు, ఒక మహిళ పొంతన లేని సమాధానాలు ఇచ్చారు. బెంగళూరులో ఉద్యోగాలు ఇప్పిస్తామని చెప్పి, వారిని బీహార్కు ఎందుకు తీసుకెళ్తున్నారో వివరించలేకపోయారు. అలాగే, ఉద్యోగ ఆఫర్లకు సంబంధించిన ఎలాంటి పత్రాలను చూపించలేకపోవడంతో, ఆ ఇద్దరిని అక్కడికక్కడే అరెస్ట్ చేశారు.
మానవ ట్రాఫికింగ్ కోణం.. దర్యాప్తు ముమ్మరం
బాధిత మహిళలు తమకు బెంగళూరులో ఒక కంపెనీలో ఉద్యోగాలు ఇస్తామని వాగ్దానం చేశారని ఆర్పీఎఫ్కు తెలిపారు. అయితే, వారిని బీహార్కు తీసుకెళ్తున్నట్టు గుర్తించడంతో ఈ వ్యవహారం స్పష్టంగా మానవ అక్రమ రవాణాతో సంబంధం ఉందని అధికారులు అనుమానిస్తున్నారు. రైల్వే పోలీసులు (జీఆర్పీ), ఆర్పీఎఫ్ సంయుక్తంగా ఈ కేసును మరింత లోతుగా దర్యాప్తు చేస్తున్నాయి. ముఖ్యంగా ఈ ట్రాఫికింగ్ వెనుక ఉన్న పెద్ద రాకెట్ను ఛేదించే పనిలో నిమగ్నమయ్యాయి.
బలహీన వర్గాలే లక్ష్యం
రక్షించిన 56 మంది మహిళలను వారి కుటుంబాలకు సురక్షితంగా అప్పగించారు. ఈ ఘటన, దేశంలోని అభివృద్ధి చెందని ప్రాంతాల్లోని ఆర్థికంగా బలహీన వర్గాలను, ముఖ్యంగా మహిళలను ఉద్యోగ వాగ్దానాలతో మోసం చేసి ట్రాఫికింగ్ చేసే రాకెట్ల పెరుగుదలపై తీవ్ర ఆందోళనలను రేకెత్తించింది. ఇలాంటి మోసాలకు పాల్పడే ముఠాలపై కఠిన చర్యలు తీసుకోవాలని, ప్రజల్లో అవగాహన పెంచాలని సామాజిక కార్యకర్తలు డిమాండ్ చేస్తున్నారు.
న్యూ జల్పాయ్గురి-పాట్నా క్యాపిటల్ ఎక్స్ప్రెస్ రైలులో సోమవారం రాత్రి రైల్వే ప్రొటెక్షన్ ఫోర్స్ (ఆర్పీఎఫ్), టికెట్ ఎగ్జామినింగ్ సిబ్బంది సాధారణ తనిఖీలు నిర్వహిస్తుండగా ఈ ఘటన బయటపడింది. 18 నుంచి 31 ఏళ్ల వయసు గల ఈ 56 మంది మహిళలు పశ్చిమ బెంగాల్లోని జల్పాయ్గురి, కూచ్ బెహార్, అలిపుర్ద్వార్ జిల్లాల నుంచి వచ్చినవారు.
వారి వద్ద టికెట్లు లేకపోవడం, అనుమానాస్పదంగా వారి చేతులపై కోచ్, బెర్త్ నంబర్లు ముద్రించి ఉండటం అధికారులకు అనుమానం కలిగించింది. దీంతో వారిని ప్రశ్నించగా, వారిని తీసుకెళ్తున్న ఒక పురుషుడు, ఒక మహిళ పొంతన లేని సమాధానాలు ఇచ్చారు. బెంగళూరులో ఉద్యోగాలు ఇప్పిస్తామని చెప్పి, వారిని బీహార్కు ఎందుకు తీసుకెళ్తున్నారో వివరించలేకపోయారు. అలాగే, ఉద్యోగ ఆఫర్లకు సంబంధించిన ఎలాంటి పత్రాలను చూపించలేకపోవడంతో, ఆ ఇద్దరిని అక్కడికక్కడే అరెస్ట్ చేశారు.
మానవ ట్రాఫికింగ్ కోణం.. దర్యాప్తు ముమ్మరం
బాధిత మహిళలు తమకు బెంగళూరులో ఒక కంపెనీలో ఉద్యోగాలు ఇస్తామని వాగ్దానం చేశారని ఆర్పీఎఫ్కు తెలిపారు. అయితే, వారిని బీహార్కు తీసుకెళ్తున్నట్టు గుర్తించడంతో ఈ వ్యవహారం స్పష్టంగా మానవ అక్రమ రవాణాతో సంబంధం ఉందని అధికారులు అనుమానిస్తున్నారు. రైల్వే పోలీసులు (జీఆర్పీ), ఆర్పీఎఫ్ సంయుక్తంగా ఈ కేసును మరింత లోతుగా దర్యాప్తు చేస్తున్నాయి. ముఖ్యంగా ఈ ట్రాఫికింగ్ వెనుక ఉన్న పెద్ద రాకెట్ను ఛేదించే పనిలో నిమగ్నమయ్యాయి.
బలహీన వర్గాలే లక్ష్యం
రక్షించిన 56 మంది మహిళలను వారి కుటుంబాలకు సురక్షితంగా అప్పగించారు. ఈ ఘటన, దేశంలోని అభివృద్ధి చెందని ప్రాంతాల్లోని ఆర్థికంగా బలహీన వర్గాలను, ముఖ్యంగా మహిళలను ఉద్యోగ వాగ్దానాలతో మోసం చేసి ట్రాఫికింగ్ చేసే రాకెట్ల పెరుగుదలపై తీవ్ర ఆందోళనలను రేకెత్తించింది. ఇలాంటి మోసాలకు పాల్పడే ముఠాలపై కఠిన చర్యలు తీసుకోవాలని, ప్రజల్లో అవగాహన పెంచాలని సామాజిక కార్యకర్తలు డిమాండ్ చేస్తున్నారు.
