ఎమ్మెల్యే కౌశిక్ రెడ్డిపై కేసు నమోదు
- కౌశిక్ రెడ్డిపై ఏఎస్పీ రవి చందన్ ఫిర్యాదు
- పోలీసుల విధులకు ఆటంకం కలిగించారంటూ ఫిర్యాదు
- కేసు నమోదు చేసిన రాయదుర్గం పోలీసులు
శేరిలింగంపల్లి ఎమ్మెల్యే అరికెపూడి గాంధీకి సవాల్ విసిరిన బీఆర్ఎస్ ఎమ్మెల్యే పాడి కౌశిక్ రెడ్డికి పోలీసులు షాకిచ్చారు. ఆయనపై కేసు నమోదు చేశారు. అడిషనల్ ఎస్పీ రవి చందన్ ఫిర్యాదు మేరకు రాయదుర్గం పోలీసులు కేసు నమోదు చేశారు. పోలీసుల విధులకు ఆటంకం కలిగించారని ఫిర్యాదులో ఏఎస్పీ పేర్కొన్నారు. దీంతో 132, 351 (3) బీఎన్ఎస్ యాక్ట్ ప్రకారం కేసు నమోదు చేశారు.
