Manchu Vishnu: 'జిన్నా' దగ్గర నకరాల్ జేస్తే ఇట్లుంటది.. లిరికల్ సాంగ్ రిలీజ్!

మంచు విష్ణు హీరోగా 'జిన్నా' సినిమా రూపొందింది. ఆయన సొంత బ్యానర్లో నిర్మితమైన ఈ సినిమాకి సూర్య దర్శకత్వం వహించాడు. జి.నాగేశ్వరరెడ్డి నిర్మించిన ఈ సినిమాకి కోన వెంకట్ స్క్రీన్ ప్లే ను సమకూర్చాడు. ఈ రొమాంటిక్ కామెడీ ఎంటర్టయినర్ లో విష్ణు సరసన నాయికలుగా సన్నీలియోన్ .. పాయల్ అలరించనున్నారు. 
 
కొంత సేపటి క్రితం ఈ సినిమా నుంచి లిరికల్ సాంగును రిలీజ్ చేశారు. "నా పేరు జిన్నారా .. అందరికీ అన్నరా .. నకరల్ జేస్తే కిస్సా  ఖల్లాసు రా .. " అంటూ ఈ పాట సాగుతోంది. అనూప్ రూబెన్స్ సంగీతాన్ని సమకూర్చిన ఈ సినిమాకి ప్రేమ్ సాహిత్యాన్ని అందించగా పృథ్వీ చంద్ర ఆలపించాడు.

హీరో స్వభావం .. ఆయన ధైర్య సాహసాలను గురించి స్తుతించే స్టైల్లో ఈ పాట సాగుతోంది. 'జిన్నాభాయ్' పాత్రను మాస్ ఆడియన్స్ కి చేరువగా తీసుకుని వెళ్లడానికి విష్ణు గట్టిగానే ట్రై చేసినట్టుగా తెలుస్తోంది. త్వరలోనే ఈ సినిమాను విడుదల చేయనున్నారు.