మొత్తం మీద 'ఎఫ్ 3' రాబట్టిన వసూళ్లు ఇవే!

వెంకటేశ్ - వరుణ్ తేజ్ హీరోలుగా అనిల్ రావిపూడి దర్శకత్వంలో రూపొందిన 'ఎఫ్ 3' సినిమా, మే 27వ తేదీన ప్రేక్షకుల ముందుకు వచ్చింది. దిల్ రాజు నిర్మించిన ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. తమన్నా .. మెహ్రీన్ కథానాయికలుగా నటించిన ఈ సినిమాలో, సునీల్ .. అలీ ముఖ్యమైన పాత్రలను పోషించారు. 

ఈ సినిమా 50 రోజుల దిశగా వెళుతోంది. ఈ నేపథ్యంలో ఫైనల్ గా మేకర్స్ ఈ సినిమా వసూళ్లను ప్రకటించారు. ఒక్క నైజామ్ లోనే ఈ సినిమా 20.57 కోట్ల షేర్ ను వసూలు చేసింది. రెండు తెలుగు రాష్ట్రాల్లో కలుపుకుని 53.94 కోట్ల షేర్ ను వసూలు చేసింది.

ప్రపంచవ్యాప్తంగా చూసుకుంటే 134 కోట్ల గ్రాస్ ను, 70.94 కోట్ల షేర్ ను సాధించింది. ఈ విషయాన్ని అధికారికంగా తెలియజేస్తూ, అందుకు సంబంధించిన పోస్టర్ ను వదిలారు. జీవితంలో బంధాలకు .. అనుబంధాలకు విలువ లేదనీ .. డబ్బే సర్వమని నమ్మిన కొంతమంది వ్యక్తులు దానిని ఈజీగా సంపాదించడానికి చేసే ప్రయత్నమే ఈ సినిమా..