విలన్ గా సముద్రఖని ద్విపాత్రాభినయం!

14-09-2021 Tue 18:49
  • నితిన్ నుంచి 'మాచర్ల నియోజక వర్గం'
  • రాజకీయాల నేపథ్యంలో సాగే కథ
  • కథానాయికగా కృతి శెట్టి
  • సంగీత దర్శకుడిగా మహతి స్వరసాగర్
Samudrakhani Dual villain role Nithin movie

నితిన్ హీరోగా ఎస్.ఆర్.శేఖర్ దర్శకత్వంలో 'మాచర్ల నియోజక వర్గం' సినిమా రూపొందుతోంది. మహతి స్వరసాగర్ సంగీతాన్ని అందిస్తున్న ఈ ప్రాజెక్టు, ఇటీవలే పట్టాలెక్కింది. నితిన్ సొంత బ్యానర్లో రూపొందుతున్న ఈ సినిమాలో కథానాయికగా కృతి శెట్టి కనిపించనుంది. ఈ సినిమాలో ప్రతినాయకుడిగా సముద్రఖని పేరు వినిపిస్తోంది. ఇక ఈ సినిమాలో ఆయన ద్విపాత్రాభినయం చేయనున్నాడని అంటున్నారు.

ఇది ఈ సినిమాకి ప్రత్యేకమైన ఆకర్షణ అవుతుందని చెబుతున్నారు. త్వరలోనే ఆయన ఈ సినిమా షూటింగులో జాయిన్ కానున్నాడని అంటున్నారు. 'అల వైకుంఠపురములో' .. 'క్రాక్' సినిమాల దగ్గర నుంచి విలన్ గా సముద్రఖనికి ఇక్కడ విపరీతమైన డిమాండ్ పెరిగిపోయింది. ఆయన విలనిజంలోని ప్రత్యేకత ఇక్కడి వారిని విశేషంగా ఆకట్టుకుంటోంది. అందువల్లనే ఈ సినిమా కోసం ఆయనను తీసుకున్నారని చెప్పుకుంటున్నారు.