రేపే 'సీటీమార్' ప్రీ రిలీజ్ ఈవెంట్!

07-09-2021 Tue 17:19
  • గోపీచంద్ నుంచి 'సీటీమార్'
  • సంపత్ నందితో రెండో సినిమా 
  • కబడ్డీ నేపథ్యంలో సాగే కథ 
  • కీలక పాత్రలో భూమిక        
Seetimaarr Pre Release Event tomorrow at JRC
గోపీచంద్ హీరోగా సంపత్ నంది దర్శకత్వంలో 'సీటీమార్' సినిమా రూపొందింది. శ్రీనివాస సిల్వర్ స్క్రీన్ బ్యానర్ పై నిర్మించిన ఈ సినిమా, 'వినాయక చవితి' పండగ సందర్భంగా ఈ నెల 10వ తేదీన విడుదల కానుంది. ఈ నేపథ్యంలో ఈ సినిమా ప్రీ రిలీజ్ ఈవెంట్ కు ముహూర్తాన్ని ఖరారు చేశారు.

హైదరాబాదు .. జెఆర్సీ కన్వెన్షన్ సెంటర్ లో ప్రీ రిలీజ్ ఈవెంట్ ను నిర్వహించనున్నారు. ఆ రోజున సాయంత్రం 6 గంటల నుంచి ఈ వేడుక మొదలవుతుంది. ఈ విషయాన్ని అధికారికంగా తెలియజేస్తూ ఒక స్పెషల్ పోస్టర్ ను వదిలారు. కబడ్డీ నేపథ్యంలో నడిచే ఈ కథలో, గోపీచంద్ సరసన నాయికగా తమన్నా అలరించనుంది.

'గౌతమ్ నంద' తరువాత గోపీచంద్ - సంపత్ నంది కలిసి చేసిన సినిమా ఇది. మణిశర్మ సంగీతానికి ఇప్పటికే మంచి మార్కులు పడ్డాయి. తరుణ్ ఆరోరా .. రెహ్మాన్ .. రావు రమేశ్ .. భూమిక ఈ సినిమాలో ముఖ్యమైన పాత్రలను చేశారు. కొంతకాలంగా హిట్ కోసం వెయిట్ చేస్తున్న గోపీచంద్ కి ఈ సినిమా ఆ ముచ్చట తీరుస్తుందేమో చూడాలి.