'ముగ్గురు మొనగాళ్లు' ట్రైలర్ రిలీజ్

వినోద ప్రధానమైన సినిమాలను ప్రేక్షకులు ఎప్పుడూ ఆదరిస్తూనే ఉంటారు. అందువల్లనే హాస్యానికి దూరంగా తమ కథ వెళ్లకుండా హీరోలు జాగ్రత్తలు తీసుకుంటూ ఉంటారు. అలాంటి వినోదభరితమైన సినిమా ఒకటి త్వరలో ప్రేక్షకుల ముందుకు రావడానికి సిద్ధమవుతోంది. ఆ సినిమా పేరే 'ముగ్గురు మొనగాళ్లు'. శ్రీనివాస రెడ్డి .. దీక్షిత్ శెట్టి .. వెన్నెల రామారావు ప్రధానమైన పాత్రలను పోషిస్తున్న ఈ సినిమాకి, అభిలాష్ రెడ్డి దర్శకత్వం వహిస్తున్నాడు. ప్రధాన పాత్రధారులలో ఒకరికి వినిపించదు ... ఒకరికి కనిపించదు .. మరొకరు మాట్లాడలేరనే విషయాన్ని పోస్టర్ ద్వారానే స్పష్టం చేశారు.

తాజాగా ఈ సినిమా నుంచి ఒక ట్రైలర్ ను రిలీజ్ చేశారు. ప్రధాన పాత్రధారులందరినీ కవర్ చేస్తూ కట్ చేసిన ట్రైలర్ ఇంట్రెస్టింగ్ గా ఉంది. కామెడీని .. సస్పెన్స్ ను కలిపి అందించిన ఈ ట్రైలర్ ఆకట్టుకుంటోంది. నగరంలో జరుగుతున్న వరుస హత్యలు, ఈ ముగ్గురి జీవితాలను ఎలా ప్రభావితం చేశాయనే ఆసక్తికరమైన అంశం చుట్టూ ఈ కథ తిరుగుతుందని ట్రైలర్ ద్వారా తెలుస్తోంది. ఇటీవల కరోనాతో మరణించిన సినీ జర్నలిస్ట్ టీఎన్నార్ ఈ సినిమాలో ఒక ముఖ్యమైన పాత్రను పోషించాడు. శ్రీనివాస్ రెడ్డి చేయి తిరిగిన కమెడియన్. ఆయన కామెడీ ఈ సినిమాకి హైలైట్ గా నిలుస్తుందని చెప్పచ్చు.