‘ఈ గాయం అంత తేలిగ్గా మానదు’.. ఫైనల్ ఓటమిపై మెస్సీ ఎమోషనల్
- ఫైనల్ ఓటమిపై మెస్సీ భావోద్వేగ స్పందన
- గాయం మానేందుకు సమయం పడుతుందని వ్యాఖ్య
- జట్టు చేసిన పోరాటం, అభిమానుల మద్దతు గుర్తుండిపోతాయంటూ పోస్ట్
- జట్టు సహచరులపైనా ప్రశంసలు
- స్పెయిన్కు అభినందనలు తెలిపిన మెస్సీ
ఫిఫా ప్రపంచకప్ ఫైనల్లో ఓటమి బాధ ఇంకా వెంటాడుతోందని అర్జెంటీనా దిగ్గజం లియోనెల్ మెస్సీ భావోద్వేగంగా స్పందించాడు. స్పెయిన్ చేతిలో తుది పోరులో ఓడిపోవడం తీవ్ర వేదన కలిగించిందని, ఆ గాయం మానేందుకు సమయం పడుతుందని పేర్కొన్నాడు. అయితే టోర్నీలో జట్టు చేసిన పోరాటం, అభిమానుల మద్దతు జీవితాంతం గుర్తుండిపోతాయని చెప్పాడు.
న్యూజెర్సీలో జరిగిన ప్రపంచకప్ ఫైనల్లో స్పెయిన్ అదనపు సమయంలో చేసిన ఏకైక గోల్తో అర్జెంటీనాపై 1-0తో విజయం సాధించింది. ఫెర్రాన్ టొరెస్ చేసిన గోల్తో స్పెయిన్ ప్రపంచ ఛాంపియన్గా నిలిచింది. వరుసగా రెండో ప్రపంచకప్ టైటిల్ సాధించాలన్న అర్జెంటీనా ఆశలు ఈ ఓటమితో అడియాశలయ్యాయి. అలాగే కెరీర్కు మరో ప్రపంచకప్ను జోడించాలన్న మెస్సీ కల కూడా నెరవేరలేదు.
ఫైనల్ అనంతరం తొలిసారి సోషల్ మీడియాలో స్పందించిన 39 ఏళ్ల మెస్సీ.. ‘‘ఈ బాధ చాలా పెద్దది. ఈ గాయం మానేందుకు సమయం పడుతుంది. అయినా ఈ టోర్నీలో మాకు దక్కిన మంచి జ్ఞాపకాలను ఎప్పటికీ మర్చిపోలేం. చివరి వరకు పోరాడిన మ్యాచ్లు, దేశం మొత్తం ఇచ్చిన అండ, జట్టు శ్రమ మమ్మల్ని మరోసారి ప్రపంచ అత్యుత్తమ జట్లలో ఒకటిగా నిలబెట్టాయి’’ అని పేర్కొన్నాడు.
జట్టు సహచరులపై కూడా మెస్సీ ప్రశంసలు కురిపించాడు. వరుసగా రెండు ప్రపంచకప్ ఫైనల్స్కు చేరడం చిన్న విషయం కాదని చెప్పాడు. అభిమానుల నుంచి వచ్చిన ప్రేమ, శుభాకాంక్షలకు హృదయపూర్వక కృతజ్ఞతలు తెలిపాడు. దేశాన్ని మరోసారి ఒక్కటిగా నిలబెట్టగలిగినందుకు గర్వంగా ఉందని పేర్కొన్నాడు. ప్రపంచకప్ గెలిచిన స్పెయిన్కు కూడా అభినందనలు తెలియజేశాడు.
39 ఏళ్ల మెస్సీ 2030 ప్రపంచకప్లో ఆడే అవకాశాలు చాలా తక్కువగా ఉన్నాయి. అయితే అంతర్జాతీయ ఫుట్బాల్కు వీడ్కోలు గురించి మాత్రం ఇప్పటివరకు ఎలాంటి ప్రకటన చేయలేదు.
న్యూజెర్సీలో జరిగిన ప్రపంచకప్ ఫైనల్లో స్పెయిన్ అదనపు సమయంలో చేసిన ఏకైక గోల్తో అర్జెంటీనాపై 1-0తో విజయం సాధించింది. ఫెర్రాన్ టొరెస్ చేసిన గోల్తో స్పెయిన్ ప్రపంచ ఛాంపియన్గా నిలిచింది. వరుసగా రెండో ప్రపంచకప్ టైటిల్ సాధించాలన్న అర్జెంటీనా ఆశలు ఈ ఓటమితో అడియాశలయ్యాయి. అలాగే కెరీర్కు మరో ప్రపంచకప్ను జోడించాలన్న మెస్సీ కల కూడా నెరవేరలేదు.
ఫైనల్ అనంతరం తొలిసారి సోషల్ మీడియాలో స్పందించిన 39 ఏళ్ల మెస్సీ.. ‘‘ఈ బాధ చాలా పెద్దది. ఈ గాయం మానేందుకు సమయం పడుతుంది. అయినా ఈ టోర్నీలో మాకు దక్కిన మంచి జ్ఞాపకాలను ఎప్పటికీ మర్చిపోలేం. చివరి వరకు పోరాడిన మ్యాచ్లు, దేశం మొత్తం ఇచ్చిన అండ, జట్టు శ్రమ మమ్మల్ని మరోసారి ప్రపంచ అత్యుత్తమ జట్లలో ఒకటిగా నిలబెట్టాయి’’ అని పేర్కొన్నాడు.
జట్టు సహచరులపై కూడా మెస్సీ ప్రశంసలు కురిపించాడు. వరుసగా రెండు ప్రపంచకప్ ఫైనల్స్కు చేరడం చిన్న విషయం కాదని చెప్పాడు. అభిమానుల నుంచి వచ్చిన ప్రేమ, శుభాకాంక్షలకు హృదయపూర్వక కృతజ్ఞతలు తెలిపాడు. దేశాన్ని మరోసారి ఒక్కటిగా నిలబెట్టగలిగినందుకు గర్వంగా ఉందని పేర్కొన్నాడు. ప్రపంచకప్ గెలిచిన స్పెయిన్కు కూడా అభినందనలు తెలియజేశాడు.
39 ఏళ్ల మెస్సీ 2030 ప్రపంచకప్లో ఆడే అవకాశాలు చాలా తక్కువగా ఉన్నాయి. అయితే అంతర్జాతీయ ఫుట్బాల్కు వీడ్కోలు గురించి మాత్రం ఇప్పటివరకు ఎలాంటి ప్రకటన చేయలేదు.
