బాలయ్య హీరోయిన్ ఎవరనేది చెబుతానన్న బోయపాటి!

బాలకృష్ణ కథానాయకుడిగా బోయపాటి ఒక సినిమాను రూపొందిస్తున్నాడు. తమన్ సంగీతాన్ని సమకూర్చుతున్న ఈ సినిమాలో బాలకృష్ణ కవల సోదరులుగా ద్విపాత్రాభినయం చేయనున్నారు. లాక్ డౌన్ తరువాత ఈ సినిమాను పట్టాలెక్కించడానికి బోయపాటి సన్నాహాలు చేసుకుంటున్నాడు.

ఈ సినిమాలో శ్రియ - అంజలి కథానాయికలుగా చేయనున్నారనే ప్రచారం జరిగింది. కానీ బోయపాటి మాత్రం ఒక కొత్త కథానాయికను పరిచయం చేయనున్నట్టు చెప్పాడు. సమయం చూసుకుని ఆ కథానాయిక ఎవరనేది ఎనౌన్స్ చేస్తానని అన్నాడు. ఆ హీరోయిన్ ముంబైకి చెందిన అమ్మాయని తెలుస్తోంది. లాక్ డౌన్ తరువాత ఆమె పేరును ప్రకటించనున్నట్టు చెబుతున్నారు. బోయపాటి సినిమాతో పరిచయమవుతున్న ఆ సుందరి, టాలీవుడ్లో ఏ రేంజ్ లో సందడి చేస్తుందో చూడాలి మరి.