nandamuri: వచ్చే ఎన్నికల్లో బీజేపీ ఏపీలో ఒక్క లోక్ సభ సీటు కూడా గెలవదు: నందమూరి బాలకృష్ణ

గత ఎన్నికల్లో టీడీపీ పొత్తుతో బీజేపీ రెండు లోక్ సభ సీట్లు గెలిచిందని, వచ్చే ఎన్నికల్లో కనీసం ఒక్క సీటు కూడా ఆ పార్టీ గెలవదని హిందూపురం ఎమ్మెల్యే నందమూరి బాలకృష్ణ అన్నారు. అనంతపురం జిల్లా సూగూరు వద్ద నిర్వహించిన నవనిర్మాణ దీక్షలో ఆయన పాల్గొన్నారు.

ఈ సందర్భంగా బాలకృష్ణ మాట్లాడుతూ, కొంత మంది బీజేపీ నేతలు తమ ఇష్టానుసారం వ్యాఖ్యలు చేస్తున్నారని మండిపడ్డారు. బీజేపీ నాయకులు నాలుగు గోడల మధ్య కూర్చుని మాటలు చెప్పడం కాదని, దమ్ముంటే, రోడ్డుపైకి వచ్చి మాట్లాడాలని, ప్రజలు తమ సత్తా చూపుతారని అన్నారు.