బాలీవుడ్ స్టార్ దంపతులు కత్రినా కైఫ్, విక్కీ కౌశల్ దీపావళి పండుగ వేళ తమ అభిమానులకు తీపి కబురు అందించారు. ఇప్పటివరకు గోప్యంగా ఉంచిన తమ కుమారుడు విహాన్ కౌశల్ ముఖాన్ని తొలిసారి ప్రపంచానికి పరిచయం చేస్తూ ఒక అందమైన కుటుంబ చిత్రాని సోషల్ మీడియా వేదికగా పంచుకున్నారు.

ఈ ఫొటోలో కత్రినా పసుపు రంగు సంప్రదాయ దుస్తుల్లో మెరిసిపోతుండగా, విక్కీ కౌశల్ క్రీమ్ కలర్ కుర్తాలో హుందాగా కనిపించాడు. వీరిద్దరి మధ్యలో ఉన్న చిన్నారి విహాన్.. తెల్లటి కుర్తా, పసుపు రంగు జాకెట్ ధరించి ఎంతో ముద్దుగా ఉన్నాడు. కెమెరా వైపు చూస్తూ చేతులు ఊపుతున్న విహాన్ క్యూట్‌నెస్‌కు అభిమానులు ఫిదా అవుతున్నారు. "మా జీవితంలో ఇది అత్యంత సంతోషకరమైన దీపావళి. అందరికీ ప్రేమ, వెలుగులు పంచాలని కోరుకుంటున్నాం" అని ఈ జంట ఈ ఫొటోకు క్యాప్షన్ జోడించింది.

2021 డిసెంబర్‌లో వివాహ బంధంతో ఒకటైన విక్కీ-కత్రినా దంపతులకు 2025 నవంబర్ 7న విహాన్ జన్మించాడు. అయితే, ఇప్పటివరకు వారు తమ కుమారుడి ముఖాన్ని ఎక్కడా వెల్లడించలేదు. సరిగ్గా విహాన్ మొదటి పుట్టినరోజు ముగిసిన మరుసటి రోజే, దీపావళి సందర్భంగా ఈ ఫొటోను పంచుకున్నారు. ఈ పోస్ట్‌పై సోనమ్ కపూర్, కరీనా కపూర్ వంటి పలువురు బాలీవుడ్ ప్రముఖులు స్పందిస్తూ చిన్నారి విహాన్‌కు శుభాకాంక్షలు తెలియజేశారు.