- ఓ పుస్తకావిష్కరణ సభకు ముందు ఏకాంత చర్చ
- 2029 వరకు ఫడ్నవీస్‌ సీఎంగా కొనసాగాలన్న రాజ్‌
- 2019 తర్వాత ఉద్ధవ్‌ ఫోన్‌ కోసం ఎదురుచూశానన్న ఫడ్నవీస్‌
- బీజేపీ-షిండే వర్గాల మధ్య విభేదాల వేళ వీరి భేటీకి ప్రాధాన్యం
- కొత్త రాజకీయ సమీకరణాలపై ఊహాగానాలు
మహారాష్ట్ర రాజకీయాల్లో అనూహ్య పరిణామం చోటుచేసుకుంది. ముఖ్యమంత్రి దేవేంద్ర ఫడ్నవీస్‌, శివసేన (యూబీటీ) అధినేత ఉద్ధవ్‌ ఠాక్రే, మహారాష్ట్ర నవనిర్మాణ సేన (ఎంఎన్‌ఎస్‌) చీఫ్‌ రాజ్‌ ఠాక్రే ఒకే వేదికపై కనిపించడమే కాకుండా.. కార్యక్రమానికి ముందు ముగ్గురూ ఏకాంతంగా సమావేశమయ్యారు. రాష్ట్రంలో బీజేపీ, ఏక్‌నాథ్‌ షిండే నేతృత్వంలోని శివసేన మధ్య విభేదాలు పెరుగుతున్నాయన్న వార్తల నేపథ్యంలో ఈ భేటీ రాజకీయ వర్గాల్లో ఆసక్తి రేపుతోంది. అయితే ఈ సమావేశంలో ఏం చర్చించారన్నది అధికారికంగా వెల్లడికాలేదు.
ముంబయిలో గురువారం జరిగిన ‘మహారాష్ట్రచ్యా హాస్యరేఖా’ పుస్తకావిష్కరణ కార్యక్రమంలో ఈ పరిణామం చోటుచేసుకుంది. మరాఠీ రాజకీయ వ్యంగ్య చిత్రాల వందేళ్ల ప్రస్థానాన్ని వివరిస్తూ ప్రముఖ కార్టూనిస్టు ప్రశాంత్‌ కులకర్ణి సంపాదకత్వంలో ఈ పుస్తకాన్ని రూపొందించారు. ఈ కార్యక్రమానికి ముందు ఫడ్నవీస్‌, ఉద్ధవ్‌, రాజ్‌ ఠాక్రే ఓ గదిలో సమావేశమై మాట్లాడుకున్నారు. ఇది మర్యాదపూర్వకంగా జరిగిన చాయ్‌ భేటీ మాత్రమేనని ముఖ్యమంత్రి సన్నిహిత వర్గాలు పేర్కొన్నాయి.
కార్యక్రమంలోనూ ముగ్గురు నేతల మధ్య ఆసక్తికర సంభాషణ సాగింది. రాజ్‌ ఠాక్రేను ఆహ్వానించినందుకు ఫడ్నవీస్‌ కార్యక్రమానికి వచ్చారని మంత్రి ఆశిష్‌ షెలార్‌ ప్రస్తావించగా.. 2029 వరకు ఫడ్నవీస్‌ను ముఖ్యమంత్రిగా కొనసాగించాలని రాజ్‌ ఠాక్రే చమత్కరించారు. రాజకీయాలకు అతీతంగా కళా, సాంస్కృతిక కార్యక్రమాల్లో నేతలు కలుసుకోవడం మహారాష్ట్ర సంప్రదాయమని ఆయన వ్యాఖ్యానించారు.
దీనిపై ఫడ్నవీస్‌ స్పందిస్తూ.. 2019 వరకు ఉద్ధవ్‌ ఠాక్రే ఫోన్‌ చేసినప్పుడల్లా వెళ్లేవాడినని, ఆ తర్వాత ఆయన నుంచి ఫోన్‌ కోసం ఎదురుచూశానని అన్నారు. రాజకీయ ప్రత్యర్థులు ఒకే వేదికపై కనిపించినంత మాత్రాన ఆశ్చర్యపోవాల్సిన అవసరం లేదని పేర్కొన్నారు. మరోవైపు, కార్టూనిస్టుల కోసం ముంబయిలో ప్రత్యేక గ్యాలరీ ఏర్పాటు చేసే ప్రతిపాదనను ముందుకు తీసుకెళ్తానని, అందుకు ఠాక్రే సోదరుల సహకారం తీసుకుంటానని తెలిపారు.
ఇటీవల జరిగిన మహారాష్ట్ర శాసన మండలి ఎన్నికల్లో ఐదు స్థానాలకు గానూ మహావికాస్‌ ఆఘాడీ మూడు స్థానాలు గెలుచుకుంది. మహాయుతి రెండు స్థానాలకే పరిమితమైంది. ఈ ఫలితాల తర్వాత బీజేపీ, షిండే వర్గం మధ్య పరస్పర విమర్శలు తెరపైకి వచ్చాయి. ఈ నేపథ్యంలో ఫడ్నవీస్‌, ఠాక్రే సోదరుల భేటీ ప్రాధాన్యం సంతరించుకుంది. అయితే ఈ సమావేశం ఆధారంగా కొత్త రాజకీయ కూటమి ఏర్పడుతుందని ఇప్పుడే అంచనా వేయలేమని బీజేపీ నేత ప్రవీణ్‌ దరేకర్‌ వ్యాఖ్యానించారు.
ముంబయిలో గురువారం జరిగిన ‘మహారాష్ట్రచ్యా హాస్యరేఖా’ పుస్తకావిష్కరణ కార్యక్రమంలో ఈ పరిణామం చోటుచేసుకుంది. మరాఠీ రాజకీయ వ్యంగ్య చిత్రాల వందేళ్ల ప్రస్థానాన్ని వివరిస్తూ ప్రముఖ కార్టూనిస్టు ప్రశాంత్‌ కులకర్ణి సంపాదకత్వంలో ఈ పుస్తకాన్ని రూపొందించారు. ఈ కార్యక్రమానికి ముందు ఫడ్నవీస్‌, ఉద్ధవ్‌, రాజ్‌ ఠాక్రే ఓ గదిలో సమావేశమై మాట్లాడుకున్నారు. ఇది మర్యాదపూర్వకంగా జరిగిన చాయ్‌ భేటీ మాత్రమేనని ముఖ్యమంత్రి సన్నిహిత వర్గాలు పేర్కొన్నాయి.
కార్యక్రమంలోనూ ముగ్గురు నేతల మధ్య ఆసక్తికర సంభాషణ సాగింది. రాజ్‌ ఠాక్రేను ఆహ్వానించినందుకు ఫడ్నవీస్‌ కార్యక్రమానికి వచ్చారని మంత్రి ఆశిష్‌ షెలార్‌ ప్రస్తావించగా.. 2029 వరకు ఫడ్నవీస్‌ను ముఖ్యమంత్రిగా కొనసాగించాలని రాజ్‌ ఠాక్రే చమత్కరించారు. రాజకీయాలకు అతీతంగా కళా, సాంస్కృతిక కార్యక్రమాల్లో నేతలు కలుసుకోవడం మహారాష్ట్ర సంప్రదాయమని ఆయన వ్యాఖ్యానించారు.
దీనిపై ఫడ్నవీస్‌ స్పందిస్తూ.. 2019 వరకు ఉద్ధవ్‌ ఠాక్రే ఫోన్‌ చేసినప్పుడల్లా వెళ్లేవాడినని, ఆ తర్వాత ఆయన నుంచి ఫోన్‌ కోసం ఎదురుచూశానని అన్నారు. రాజకీయ ప్రత్యర్థులు ఒకే వేదికపై కనిపించినంత మాత్రాన ఆశ్చర్యపోవాల్సిన అవసరం లేదని పేర్కొన్నారు. మరోవైపు, కార్టూనిస్టుల కోసం ముంబయిలో ప్రత్యేక గ్యాలరీ ఏర్పాటు చేసే ప్రతిపాదనను ముందుకు తీసుకెళ్తానని, అందుకు ఠాక్రే సోదరుల సహకారం తీసుకుంటానని తెలిపారు.
ఇటీవల జరిగిన మహారాష్ట్ర శాసన మండలి ఎన్నికల్లో ఐదు స్థానాలకు గానూ మహావికాస్‌ ఆఘాడీ మూడు స్థానాలు గెలుచుకుంది. మహాయుతి రెండు స్థానాలకే పరిమితమైంది. ఈ ఫలితాల తర్వాత బీజేపీ, షిండే వర్గం మధ్య పరస్పర విమర్శలు తెరపైకి వచ్చాయి. ఈ నేపథ్యంలో ఫడ్నవీస్‌, ఠాక్రే సోదరుల భేటీ ప్రాధాన్యం సంతరించుకుంది. అయితే ఈ సమావేశం ఆధారంగా కొత్త రాజకీయ కూటమి ఏర్పడుతుందని ఇప్పుడే అంచనా వేయలేమని బీజేపీ నేత ప్రవీణ్‌ దరేకర్‌ వ్యాఖ్యానించారు.
