శుక్రవారం ఉదయం భారత మార్కెట్‌లో బంగారం, వెండి ధరలు భారీగా పతనమయ్యాయి. అంతర్జాతీయ పరిణామాల నేపథ్యంలో పసిడి, వెండి ధరలు ఒక్కసారిగా దిగివచ్చాయి. ప్రముఖ వెబ్‌సైట్ 'గుడ్‌రిటర్న్స్' వెల్లడించిన వివరాల ప్రకారం, దేశవ్యాప్తంగా ఈ ధరల తగ్గుదల నమోదైంది.

హైదరాబాద్, విజయవాడ మార్కెట్లలో 24 క్యారెట్ల బంగారం ధర 10 గ్రాములకు రూ.1,690 తగ్గి రూ.1,42,260కి చేరింది. అదేవిధంగా, 22 క్యారెట్ల ఆభరణాల బంగారం ధర 10 గ్రాములకు రూ.1,550 మేర తగ్గి రూ.1,30,400 వద్ద స్థిరపడింది. ఇక 18 క్యారెట్ల బంగారం ధర రూ.1,06,690గా నమోదైంది. ఆంధ్రప్రదేశ్, తెలంగాణలోని ప్రధాన నగరాలైన వరంగల్, విశాఖపట్నం, తిరుపతి, ఖమ్మంలలో కూడా ఇవే ధరలు కొనసాగుతున్నాయి.

బంగారం బాటలోనే వెండి ధర కూడా భారీగా పతనమైంది. హైదరాబాద్, విజయవాడ మార్కెట్లలో కిలో వెండి ధరపై ఏకంగా రూ.5,000 తగ్గి రూ.2,10,000కు చేరింది.

దేశంలోని ఇతర ప్రధాన నగరాల్లో ధరల్లో స్వల్ప వ్యత్యాసాలు కనిపిస్తున్నాయి. ఢిల్లీలో 24 క్యారెట్ల బంగారం ధర రూ.1,42,410గా ఉండగా, చెన్నైలో 18 క్యారెట్ల బంగారం ధర రూ.1,06,670 వద్ద కొనసాగుతోంది. అయితే, బంగారం, వెండి ధరలు ఎప్పటికప్పుడు మారుతుంటాయని, వినియోగదారులు తాజా ధరలను నిర్ధారించుకున్న తర్వాతే కొనుగోలు చేయాలని నిపుణులు సూచిస్తున్నారు.