గెలిస్తే పొగడటం, ఓడితే తిట్టడమా?.. ఈసీపై దుష్ప్రచారం దేశానికి మంచిది కాదు: వెంకయ్యనాయుడు
- ఈసీపై దుష్ప్రచారం దేశానికి, ప్రజాస్వామ్యానికి హానికరం అన్న వెంకయ్య
- ఓటర్ల జాబితాను సరిచూడటం రాజకీయ పార్టీల బాధ్యత అని స్ప‌ష్టీక‌ర‌ణ
- ఒక వ్యక్తిని లక్ష్యంగా చేసుకుని విమర్శించడం అన్యాయమని పేర్కొన్న మాజీ ఉపరాష్ట్రపతి
- శాంతియుత నిరసనలకు ప్రభుత్వాలు అనుమతించాలని సూచన
భారత ఎన్నికల సంఘాన్ని (ఈసీఐ) లక్ష్యంగా చేసుకుని కొన్ని రాజకీయ పార్టీలు చేస్తున్న విమర్శలపై మాజీ ఉపరాష్ట్రపతి ఎం. వెంకయ్యనాయుడు తీవ్రంగా స్పందించారు. ఎన్నికల సంఘం వంటి రాజ్యాంగబద్ధ సంస్థల ప్రతిష్ఠ‌ను దెబ్బతీయడం దేశానికి గానీ, ప్రజాస్వామ్యానికి గానీ ఎంతమాత్రం మంచిది కాదని ఆయన హితవు పలికారు.
చీఫ్ ఎలక్షన్ కమిషనర్ (సీఈసీ) జ్ఞానేశ్ కుమార్‌కు వ్యతిరేకంగా న్యూఢిల్లీలోని జంతర్ మంతర్ వద్ద శనివారం తలపెట్టిన నిరసన నేపథ్యంలో వెంకయ్యనాయుడు ఈ వ్యాఖ్యలు చేశారు. ఓటర్ల జాబితా నుంచి పేర్ల తొలగింపు, 'ఓట్ల దొంగతనం' వంటి ఆరోపణలతో ఈ నిరసనకు పిలుపునిచ్చారు.
ఈ సందర్భంగా వెంకయ్యనాయుడు మాట్లాడుతూ.. "ఎన్నికల సంఘాన్ని కొందరు అప్రతిష్టపాలు చేసేందుకు ప్రయత్నిస్తున్న తీరు ఆందోళన కలిగిస్తోంది. ఎన్నికల సంఘం ఒక చట్టబద్ధమైన సంస్థ. ఎన్నికల కమిషనర్‌పై ఏవైనా తీవ్రమైన ఆరోపణలు ఉంటే, వారిని అభిశంసించడానికి రాజ్యాంగబద్ధమైన మార్గాలున్నాయి. కానీ, బహిరంగ సభలు పెట్టి వారిపై నిందలు వేయడం, దూషించడం, వివాదాల్లోకి లాగి రాజీనామా డిమాండ్ చేయడం సరైన పద్ధతి కాదు" అని స్పష్టం చేశారు.
ఎన్నికల సంఘం పనితీరుపై తనకు పూర్తి విశ్వాసం ఉందని వెంకయ్యనాయుడు తెలిపారు. "వ్యక్తిగతంగా నేను ఎన్నికల సంఘం చాలా బాగా పనిచేస్తోందని భావిస్తున్నాను. ప్రపంచంలోనే అతిపెద్ద ఎన్నికల ప్రక్రియ మన దేశంలో జరుగుతుంది. భారత ఎన్నికల వ్యవస్థను, మన ఎన్నికల సంఘాలను ప్రపంచం ప్రశంసిస్తుంది. ఏవైనా లోపాలుంటే వాటిని చర్చించవచ్చు. కానీ, ఒక రాజ్యాంగ సంస్థపై దుష్ప్రచారం చేయడం సరికాదు" అని ఆయన అన్నారు.
రాజకీయ పార్టీల ద్వంద్వ వైఖరిని కూడా ఆయన తప్పుబట్టారు. "ఎన్నికల్లో గెలిస్తే ఎన్నికల సంఘం మంచిదని, ఓడిపోతే ఈవీఎంలు చెడ్డవని, ప్రభుత్వానికి అనుకూలంగా పనిచేశాయని ఆరోపిస్తున్నారు. ఇలాంటి ఆరోపణలు చేయడం అన్యాయం. వేర్వేరు సమయాల్లో వేర్వేరు పార్టీలు ఇటువంటి ఆరోపణలే చేశాయి" అని ఆయన గుర్తుచేశారు.
ఓటర్ల జాబితాలో తప్పులపై ఫిర్యాదు చేయాల్సిన బాధ్యత రాజకీయ పార్టీలదేనని ఆయన నొక్కిచెప్పారు. "ఇటీవల బీహార్‌లో ఎన్నికలు జరిగాయి. ఒక్క ఓటరు కూడా తన పేరు తొలగించారని ఫిర్యాదు చేయలేదు. ఓటర్ల జాబితాను ఇంటింటికీ వెళ్లి చూసుకోవడం, తప్పులుంటే ఫిర్యాదు చేయడం రాజకీయ పార్టీలు, వాటి కార్యకర్తల ప్రాథమిక విధి" అని వెంకయ్య సూచించారు.
తన సుదీర్ఘ రాజకీయ అనుభవంతో చెబుతున్నానని, భారత ఎన్నికల వ్యవస్థ ప్రపంచంలోనే అత్యుత్తమమైనదని ఆయన పునరుద్ఘాటించారు. "ఎన్నికల సంఘంలో నిర్ణయాలన్నీ సమిష్టిగా తీసుకుంటారు. ఒక్కోసారి అభిప్రాయ భేదాలు ఉండొచ్చు, కానీ తుది నిర్ణయం అందరిదీ. అలాంటప్పుడు ఒకే వ్యక్తిని లక్ష్యంగా చేసుకుని నిందించడం సరికాదు" అని అన్నారు.
అదే సమయంలో నిరసన తెలిపే హక్కు ప్రజలకు ఉందని, అయితే అది శాంతియుతంగా ఉండాలని వెంకయ్యనాయుడు స్పష్టం చేశారు. "ప్రజాస్వామ్య దేశంలో రాజ్యాంగ సంస్థలను గౌరవించుకోవాలి. ఎవరూ హింసకు పాల్పడకూడదు, ప్రభుత్వ ఆస్తులను ధ్వంసం చేయకూడదు. శాంతియుత ప్రదర్శనలకు ప్రభుత్వాలు కూడా అనుమతించాలి" అని ఆయన సూచించారు.
చీఫ్ ఎలక్షన్ కమిషనర్ (సీఈసీ) జ్ఞానేశ్ కుమార్‌కు వ్యతిరేకంగా న్యూఢిల్లీలోని జంతర్ మంతర్ వద్ద శనివారం తలపెట్టిన నిరసన నేపథ్యంలో వెంకయ్యనాయుడు ఈ వ్యాఖ్యలు చేశారు. ఓటర్ల జాబితా నుంచి పేర్ల తొలగింపు, 'ఓట్ల దొంగతనం' వంటి ఆరోపణలతో ఈ నిరసనకు పిలుపునిచ్చారు.
ఈ సందర్భంగా వెంకయ్యనాయుడు మాట్లాడుతూ.. "ఎన్నికల సంఘాన్ని కొందరు అప్రతిష్టపాలు చేసేందుకు ప్రయత్నిస్తున్న తీరు ఆందోళన కలిగిస్తోంది. ఎన్నికల సంఘం ఒక చట్టబద్ధమైన సంస్థ. ఎన్నికల కమిషనర్‌పై ఏవైనా తీవ్రమైన ఆరోపణలు ఉంటే, వారిని అభిశంసించడానికి రాజ్యాంగబద్ధమైన మార్గాలున్నాయి. కానీ, బహిరంగ సభలు పెట్టి వారిపై నిందలు వేయడం, దూషించడం, వివాదాల్లోకి లాగి రాజీనామా డిమాండ్ చేయడం సరైన పద్ధతి కాదు" అని స్పష్టం చేశారు.
ఎన్నికల సంఘం పనితీరుపై తనకు పూర్తి విశ్వాసం ఉందని వెంకయ్యనాయుడు తెలిపారు. "వ్యక్తిగతంగా నేను ఎన్నికల సంఘం చాలా బాగా పనిచేస్తోందని భావిస్తున్నాను. ప్రపంచంలోనే అతిపెద్ద ఎన్నికల ప్రక్రియ మన దేశంలో జరుగుతుంది. భారత ఎన్నికల వ్యవస్థను, మన ఎన్నికల సంఘాలను ప్రపంచం ప్రశంసిస్తుంది. ఏవైనా లోపాలుంటే వాటిని చర్చించవచ్చు. కానీ, ఒక రాజ్యాంగ సంస్థపై దుష్ప్రచారం చేయడం సరికాదు" అని ఆయన అన్నారు.
రాజకీయ పార్టీల ద్వంద్వ వైఖరిని కూడా ఆయన తప్పుబట్టారు. "ఎన్నికల్లో గెలిస్తే ఎన్నికల సంఘం మంచిదని, ఓడిపోతే ఈవీఎంలు చెడ్డవని, ప్రభుత్వానికి అనుకూలంగా పనిచేశాయని ఆరోపిస్తున్నారు. ఇలాంటి ఆరోపణలు చేయడం అన్యాయం. వేర్వేరు సమయాల్లో వేర్వేరు పార్టీలు ఇటువంటి ఆరోపణలే చేశాయి" అని ఆయన గుర్తుచేశారు.
ఓటర్ల జాబితాలో తప్పులపై ఫిర్యాదు చేయాల్సిన బాధ్యత రాజకీయ పార్టీలదేనని ఆయన నొక్కిచెప్పారు. "ఇటీవల బీహార్‌లో ఎన్నికలు జరిగాయి. ఒక్క ఓటరు కూడా తన పేరు తొలగించారని ఫిర్యాదు చేయలేదు. ఓటర్ల జాబితాను ఇంటింటికీ వెళ్లి చూసుకోవడం, తప్పులుంటే ఫిర్యాదు చేయడం రాజకీయ పార్టీలు, వాటి కార్యకర్తల ప్రాథమిక విధి" అని వెంకయ్య సూచించారు.
తన సుదీర్ఘ రాజకీయ అనుభవంతో చెబుతున్నానని, భారత ఎన్నికల వ్యవస్థ ప్రపంచంలోనే అత్యుత్తమమైనదని ఆయన పునరుద్ఘాటించారు. "ఎన్నికల సంఘంలో నిర్ణయాలన్నీ సమిష్టిగా తీసుకుంటారు. ఒక్కోసారి అభిప్రాయ భేదాలు ఉండొచ్చు, కానీ తుది నిర్ణయం అందరిదీ. అలాంటప్పుడు ఒకే వ్యక్తిని లక్ష్యంగా చేసుకుని నిందించడం సరికాదు" అని అన్నారు.
అదే సమయంలో నిరసన తెలిపే హక్కు ప్రజలకు ఉందని, అయితే అది శాంతియుతంగా ఉండాలని వెంకయ్యనాయుడు స్పష్టం చేశారు. "ప్రజాస్వామ్య దేశంలో రాజ్యాంగ సంస్థలను గౌరవించుకోవాలి. ఎవరూ హింసకు పాల్పడకూడదు, ప్రభుత్వ ఆస్తులను ధ్వంసం చేయకూడదు. శాంతియుత ప్రదర్శనలకు ప్రభుత్వాలు కూడా అనుమతించాలి" అని ఆయన సూచించారు.
