డిస్నీలో కొత్త చరిత్ర.. తొలి సీటీవోగా హైదరాబాద్ ట్రిపుల్ ఐటీ పూర్వ విద్యార్థి
- మెటా, మైక్రోసాఫ్ట్ వంటి సంస్థల్లో పనిచేసిన కరణ్దీప్ ఆనంద్
- గతంలో కరణ్దీప్ పనిచేసిన సంస్థకు డిస్నీ నోటీసులు
- అక్టోబర్ 2న బాధ్యతలు స్వీకరించనున్న కరణ్దీప్
అంతర్జాతీయ వినోద రంగ దిగ్గజం ది వాల్ట్ డిస్నీ కంపెనీ తన చరిత్రలోనే తొలిసారిగా చీఫ్ టెక్నాలజీ ఆఫీసర్ (సీటీవో) పదవిని సృష్టించింది. ఈ అత్యంత కీలకమైన బాధ్యతలకు భారత సంతతికి చెందిన ప్రముఖ టెక్ నిపుణుడు కరణ్దీప్ ఆనంద్ను నియమించింది. సీనియర్ ఎగ్జిక్యూటివ్ వైస్ ప్రెసిడెంట్, సీటీవో హోదాలో అక్టోబర్ 2న ఆయన బాధ్యతలు చేపట్టనున్నారు. ఈ మేరకు డిస్నీ అధికారికంగా ఒక ప్రకటన విడుదల చేసింది. ఆయన నేరుగా డిస్నీ సీఈవో జోష్ డీఅమారోకు రిపోర్ట్ చేస్తారు.
ఈ నియామకంతో కంపెనీ అంతటా టెక్నాలజీని ఆధునికీకరించడం, ఎంటర్ప్రైజ్ టెక్నాలజీ, డేటా, ఆర్టిఫిషియల్ ఇంటెలిజెన్స్ (ఏఐ) ప్లాట్ఫామ్స్, ఇంజినీరింగ్ విభాగాలను కరణ్దీప్ పర్యవేక్షిస్తారు. డిస్నీ సీఈవో జోష్ డీఅమారో నిర్దేశించుకున్న "గొప్ప కథనం, సృజనాత్మకతకు సాంకేతికత జోడింపు, వన్ డిస్నీ" అనే ప్రాధాన్యతలలో భాగంగా ఈ నియామకం జరిగింది.
కరణ్దీప్ ఆనంద్ హైదరాబాద్లోని ఇంటర్నేషనల్ ఇనిస్టిట్యూట్ ఆఫ్ ఇన్ఫర్మేషన్ టెక్నాలజీ (ఐఐఐటీ-హెచ్)లో కంప్యూటర్ సైన్స్ చదివారు. ఆయనకు టెక్నాలజీ రంగంలో అపారమైన అనుభవం ఉంది. గతంలో మెటా (ఫేస్బుక్)లో వైస్ ప్రెసిడెంట్గా, మైక్రోసాఫ్ట్లో 15 ఏళ్లపాటు పనిచేసి అజ్యూర్ క్లౌడ్ ప్లాట్ఫామ్ నిర్మాణంలో కీలక పాత్ర పోషించారు. ఇటీవలే ఆయన జనరేటివ్ ఏఐ చాట్బాట్ సంస్థ 'క్యారెక్టర్.ఏఐ'కి సీఈవోగా వ్యవహరించారు.
ఈ నియామకంపై సీఈవో జోష్ డీఅమారో మాట్లాడుతూ.. "ఇన్ఫ్రాస్ట్రక్చర్, కన్జ్యుమర్ టెక్నాలజీ, ఏఐ రంగాల్లో కరణ్దీప్కు అరుదైన అనుభవం ఉంది. ఆయన అభిమానులు నిజంగా ఏమి కోరుకుంటారో అర్థం చేసుకోగల సమర్థుడు" అని ప్రశంసించారు. దీనిపై కరణ్దీప్ స్పందిస్తూ, తాను చిన్నప్పటి నుంచి డిస్నీని ఆరాధిస్తున్నానని, ఈ సంస్థలో చేరడం సంతోషంగా ఉందని తెలిపారు.
ఈ నియామకంలో ఒక ఆసక్తికరమైన విషయం ఉంది. గతంలో కరణ్దీప్ సీఈవోగా పనిచేసిన 'క్యారెక్టర్.ఏఐ' సంస్థ తమ కాపీరైట్ పాత్రలైన ఎల్సా, మోయానా వంటి వాటిని అనుమతి లేకుండా వాడుకుంటోందని ఆరోపిస్తూ 2025 సెప్టెంబర్లో డిస్నీ లీగల్ నోటీసులు పంపింది. ఆ తర్వాత క్యారెక్టర్.ఏఐ ఆ పాత్రలను తొలగించింది. ఇప్పుడు అదే సంస్థ మాజీ సీఈవోను తమ తొలి కంపెనీ-వైడ్ సీటీవోగా డిస్నీ నియమించడం గమనార్హం. మార్చి 2026లో డీఅమారో సీఈవోగా బాధ్యతలు స్వీకరించిన నాటి నుంచి టెక్నాలజీపై ప్రత్యేక దృష్టి సారించారు. అందులో భాగంగానే ఈ కొత్త పదవిని సృష్టించారు.
ఈ నియామకంతో కంపెనీ అంతటా టెక్నాలజీని ఆధునికీకరించడం, ఎంటర్ప్రైజ్ టెక్నాలజీ, డేటా, ఆర్టిఫిషియల్ ఇంటెలిజెన్స్ (ఏఐ) ప్లాట్ఫామ్స్, ఇంజినీరింగ్ విభాగాలను కరణ్దీప్ పర్యవేక్షిస్తారు. డిస్నీ సీఈవో జోష్ డీఅమారో నిర్దేశించుకున్న "గొప్ప కథనం, సృజనాత్మకతకు సాంకేతికత జోడింపు, వన్ డిస్నీ" అనే ప్రాధాన్యతలలో భాగంగా ఈ నియామకం జరిగింది.
కరణ్దీప్ ఆనంద్ హైదరాబాద్లోని ఇంటర్నేషనల్ ఇనిస్టిట్యూట్ ఆఫ్ ఇన్ఫర్మేషన్ టెక్నాలజీ (ఐఐఐటీ-హెచ్)లో కంప్యూటర్ సైన్స్ చదివారు. ఆయనకు టెక్నాలజీ రంగంలో అపారమైన అనుభవం ఉంది. గతంలో మెటా (ఫేస్బుక్)లో వైస్ ప్రెసిడెంట్గా, మైక్రోసాఫ్ట్లో 15 ఏళ్లపాటు పనిచేసి అజ్యూర్ క్లౌడ్ ప్లాట్ఫామ్ నిర్మాణంలో కీలక పాత్ర పోషించారు. ఇటీవలే ఆయన జనరేటివ్ ఏఐ చాట్బాట్ సంస్థ 'క్యారెక్టర్.ఏఐ'కి సీఈవోగా వ్యవహరించారు.
ఈ నియామకంపై సీఈవో జోష్ డీఅమారో మాట్లాడుతూ.. "ఇన్ఫ్రాస్ట్రక్చర్, కన్జ్యుమర్ టెక్నాలజీ, ఏఐ రంగాల్లో కరణ్దీప్కు అరుదైన అనుభవం ఉంది. ఆయన అభిమానులు నిజంగా ఏమి కోరుకుంటారో అర్థం చేసుకోగల సమర్థుడు" అని ప్రశంసించారు. దీనిపై కరణ్దీప్ స్పందిస్తూ, తాను చిన్నప్పటి నుంచి డిస్నీని ఆరాధిస్తున్నానని, ఈ సంస్థలో చేరడం సంతోషంగా ఉందని తెలిపారు.
ఈ నియామకంలో ఒక ఆసక్తికరమైన విషయం ఉంది. గతంలో కరణ్దీప్ సీఈవోగా పనిచేసిన 'క్యారెక్టర్.ఏఐ' సంస్థ తమ కాపీరైట్ పాత్రలైన ఎల్సా, మోయానా వంటి వాటిని అనుమతి లేకుండా వాడుకుంటోందని ఆరోపిస్తూ 2025 సెప్టెంబర్లో డిస్నీ లీగల్ నోటీసులు పంపింది. ఆ తర్వాత క్యారెక్టర్.ఏఐ ఆ పాత్రలను తొలగించింది. ఇప్పుడు అదే సంస్థ మాజీ సీఈవోను తమ తొలి కంపెనీ-వైడ్ సీటీవోగా డిస్నీ నియమించడం గమనార్హం. మార్చి 2026లో డీఅమారో సీఈవోగా బాధ్యతలు స్వీకరించిన నాటి నుంచి టెక్నాలజీపై ప్రత్యేక దృష్టి సారించారు. అందులో భాగంగానే ఈ కొత్త పదవిని సృష్టించారు.
