గుండెపోటు డ్రామా.. రూ. 2 కోట్ల బీమా.. 3 నెలల తర్వాత మాజీ సైనికుడి మృతదేహం వెలికితీత
- మాజీ సైనికుడి మృతిని గుండెపోటుగా చిత్రీకరణ
- రూ. 2 కోట్ల భారీ ఇన్సూరెన్స్ క్లెయిమ్ కోసం భార్య యత్నం
- బీమా కంపెనీల ఫిర్యాదుతో రంగంలోకి పోలీసులు
- భార్య, ఆమె బంధువులను అదుపులోకి తీసుకుని విచారణ
కర్ణాటకలోని బెళగావి జిల్లాలో అత్యంత సంచలన ఘటన చోటుచేసుకుంది. గుండెపోటుతో చనిపోయాడని భావించి మూడు నెలల క్రితం పూడ్చిపెట్టిన ఓ మాజీ సైనికుడి మృతదేహాన్ని పోలీసులు తిరిగి వెలికితీశారు. సుమారు రూ. 2 కోట్ల బీమా డబ్బుల కోసం ఈ హత్య జరిగిందనే అనుమానంతో ఆయన భార్య, బంధువులను పోలీసులు విచారిస్తున్నారు.
బెళగావికి చెందిన మాజీ సైనికుడు కృష్ణప్ప (పేరు మార్చాం) ఈ ఏడాది మే నెలలో హఠాన్మరణం చెందారు. ఆయన గుండెపోటుతో మరణించినట్లు భార్య, కుటుంబ సభ్యులు అందరినీ నమ్మించారు. ఆ తర్వాత సంప్రదాయబద్ధంగా అంత్యక్రియలు నిర్వహించి మృతదేహాన్ని ఖననం చేశారు.
అయితే, కృష్ణప్ప మరణించిన కొన్ని రోజులకే ఆయన భార్య రూ. 2 కోట్ల విలువైన జీవిత బీమా పాలసీల కోసం క్లెయిమ్ చేసింది. ఒకేసారి ఇంత పెద్ద మొత్తానికి క్లెయిమ్ రావడంతో ఇన్సూరెన్స్ కంపెనీలకు అనుమానం కలిగింది. మృతుడు ఇటీవలే ఈ పాలసీలు తీసుకున్నట్లు గుర్తించి, ఆయన మరణంపై సమగ్ర విచారణ జరపాలని పోలీసులకు ఫిర్యాదు చేశాయి.
బీమా సంస్థల ఫిర్యాదుతో కేసు నమోదు చేసిన పోలీసులు లోతుగా దర్యాప్తు చేపట్టారు. ఈ క్రమంలో భార్య ప్రవర్తనపై అనుమానాలు బలపడ్డాయి. దీంతో మరణానికి అసలు కారణం తెలుసుకునేందుకు, తహసీల్దార్ సమక్షంలో మూడు నెలల తర్వాత మృతదేహాన్ని శ్మశానవాటిక నుంచి బయటకు తీశారు. మృతదేహానికి ఫోరెన్సిక్ పోస్ట్మార్టం నిర్వహించి, కీలక నమూనాలను ల్యాబ్కు పంపారు.
ప్రస్తుతం మాజీ సైనికుడి భార్యతో పాటు, ఈ కుట్రలో ప్రమేయం ఉందని భావిస్తున్న మరికొందరిని అదుపులోకి తీసుకుని విచారణ జరుపుతున్నట్లు పోలీసులు తెలిపారు. ఫోరెన్సిక్ నివేదిక వచ్చిన తర్వాత మరణానికి కచ్చితమైన కారణం తెలుస్తుందని, ఇది సహజ మరణమా? లేక పక్కా ప్రణాళికతో చేసిన హత్యా? అనేది తేలిపోతుందని అధికారులు వెల్లడించారు.
బెళగావికి చెందిన మాజీ సైనికుడు కృష్ణప్ప (పేరు మార్చాం) ఈ ఏడాది మే నెలలో హఠాన్మరణం చెందారు. ఆయన గుండెపోటుతో మరణించినట్లు భార్య, కుటుంబ సభ్యులు అందరినీ నమ్మించారు. ఆ తర్వాత సంప్రదాయబద్ధంగా అంత్యక్రియలు నిర్వహించి మృతదేహాన్ని ఖననం చేశారు.
అయితే, కృష్ణప్ప మరణించిన కొన్ని రోజులకే ఆయన భార్య రూ. 2 కోట్ల విలువైన జీవిత బీమా పాలసీల కోసం క్లెయిమ్ చేసింది. ఒకేసారి ఇంత పెద్ద మొత్తానికి క్లెయిమ్ రావడంతో ఇన్సూరెన్స్ కంపెనీలకు అనుమానం కలిగింది. మృతుడు ఇటీవలే ఈ పాలసీలు తీసుకున్నట్లు గుర్తించి, ఆయన మరణంపై సమగ్ర విచారణ జరపాలని పోలీసులకు ఫిర్యాదు చేశాయి.
బీమా సంస్థల ఫిర్యాదుతో కేసు నమోదు చేసిన పోలీసులు లోతుగా దర్యాప్తు చేపట్టారు. ఈ క్రమంలో భార్య ప్రవర్తనపై అనుమానాలు బలపడ్డాయి. దీంతో మరణానికి అసలు కారణం తెలుసుకునేందుకు, తహసీల్దార్ సమక్షంలో మూడు నెలల తర్వాత మృతదేహాన్ని శ్మశానవాటిక నుంచి బయటకు తీశారు. మృతదేహానికి ఫోరెన్సిక్ పోస్ట్మార్టం నిర్వహించి, కీలక నమూనాలను ల్యాబ్కు పంపారు.
ప్రస్తుతం మాజీ సైనికుడి భార్యతో పాటు, ఈ కుట్రలో ప్రమేయం ఉందని భావిస్తున్న మరికొందరిని అదుపులోకి తీసుకుని విచారణ జరుపుతున్నట్లు పోలీసులు తెలిపారు. ఫోరెన్సిక్ నివేదిక వచ్చిన తర్వాత మరణానికి కచ్చితమైన కారణం తెలుస్తుందని, ఇది సహజ మరణమా? లేక పక్కా ప్రణాళికతో చేసిన హత్యా? అనేది తేలిపోతుందని అధికారులు వెల్లడించారు.
