గిల్కు రెండుసార్లు గాయం.. తొలి టెస్టుకు ముందు భారత శిబిరంలో టెన్షన్
- ప్రాక్టీస్లో గిల్కు రెండు సార్లు కుడి చేతికి దెబ్బలు
- బొటనవేలికి చికిత్స తీసుకుని మళ్లీ బ్యాటింగ్
- స్లిప్ క్యాచింగ్లో మరోసారి చేతికి గాయం
- ఫ్రాక్చర్ లేదని ప్రాథమిక పరీక్షల్లో నిర్ధారణ
- ఆగస్టు 15 నుంచి గాలేలో శ్రీలంకలో తొలి టెస్టు
- ఇప్పటికే పలువురు ఆటగాళ్లు గాయాలతో జట్టుకు దూరం
శ్రీలంకతో మూడు రోజుల వార్మప్ మ్యాచ్కు ముందు భారత టెస్టు జట్టుకు స్వల్ప ఆందోళన ఎదురైంది. కొలంబోలో గురువారం జరిగిన ప్రాక్టీస్లో కెప్టెన్ శుభ్మన్ గిల్ కుడి చేతికి రెండుసార్లు గాయమైంది. అయితే ప్రాథమిక పరీక్షల్లో అది అంత తీవ్రమైనదేమీ కాదని తేలడంతో జట్టు ఊపిరి పీల్చుకుంది.
మొదట నెట్ ప్రాక్టీస్లో ఫాస్ట్ బౌలర్ గుర్నూర్ బ్రార్ బంతి గిల్ కుడి బొటనవేలికి బలంగా తాకింది. వెంటనే వైద్య సిబ్బంది వచ్చి చికిత్స అందించారు. బొటనవేలికి బ్యాండేజ్ వేసిన తర్వాత గిల్ మళ్లీ బ్యాటింగ్కు దిగారు. ఆ తర్వాత స్పిన్ బౌలర్లను కూడా ఎదుర్కొంటూ సాధన కొనసాగించారు.
అక్కడితో ఇబ్బంది ముగియలేదు. తర్వాత స్లిప్ క్యాచింగ్ ప్రాక్టీస్లో మరోసారి కుడి చేతికి బంతి బలంగా తాకింది. దీంతో కొద్దిసేపు సాధన ఆపి ఐస్ ప్యాక్ పెట్టుకున్నారు. అనంతరం మళ్లీ ప్రాక్టీస్ పూర్తి చేశారు. ఎలాంటి ఫ్రాక్చర్ లేదని వైద్య బృందం స్పష్టం చేసినట్లు సమాచారం.
ఆగస్టు 15 నుంచి గాలే వేదికగా తొలి టెస్టు ప్రారంభం కానున్న వేళ ఈ ఘటన భారత జట్టులో కాస్త ఆందోళన కలిగించింది. ఇప్పటికే గాయాల కారణంగా సిరీస్కు బుమ్రా దూరమయ్యాడు. వాషింగ్టన్ సుందర్, హర్షిత్ రాణా కూడా అందుబాటులో లేరు. సాయి సుదర్శన్ కాలివేలు గాయం నుంచి కోలుకుంటూ బెంగళూరులోనే ఉన్నాడు. ఈ పరిస్థితుల్లో గిల్ పూర్తిస్థాయిలో ఫిట్గా ఉండటం జట్టుకు ఎంతో కీలకం.
వార్మప్ మ్యాచ్లో గిల్ బరిలోకి దిగే అవకాశమే ఉన్నా.. ఫీల్డింగ్ సమయంలో అతనిపై ప్రత్యేక జాగ్రత్తలు తీసుకునే అవకాశం కనిపిస్తోంది. ఇటీవల టెస్టుల్లో అద్భుత ఫామ్లో ఉన్న గిల్.. గత 10 మ్యాచుల్లో 1,109 పరుగులు చేసి ఆరు సెంచరీలు నమోదు చేశారు. శ్రీలంక పిచ్లకు అలవాటు పడేందుకు ఈ వార్మప్ మ్యాచ్ అతనికి కీలకంగా మారనుంది.
మొదట నెట్ ప్రాక్టీస్లో ఫాస్ట్ బౌలర్ గుర్నూర్ బ్రార్ బంతి గిల్ కుడి బొటనవేలికి బలంగా తాకింది. వెంటనే వైద్య సిబ్బంది వచ్చి చికిత్స అందించారు. బొటనవేలికి బ్యాండేజ్ వేసిన తర్వాత గిల్ మళ్లీ బ్యాటింగ్కు దిగారు. ఆ తర్వాత స్పిన్ బౌలర్లను కూడా ఎదుర్కొంటూ సాధన కొనసాగించారు.
అక్కడితో ఇబ్బంది ముగియలేదు. తర్వాత స్లిప్ క్యాచింగ్ ప్రాక్టీస్లో మరోసారి కుడి చేతికి బంతి బలంగా తాకింది. దీంతో కొద్దిసేపు సాధన ఆపి ఐస్ ప్యాక్ పెట్టుకున్నారు. అనంతరం మళ్లీ ప్రాక్టీస్ పూర్తి చేశారు. ఎలాంటి ఫ్రాక్చర్ లేదని వైద్య బృందం స్పష్టం చేసినట్లు సమాచారం.
ఆగస్టు 15 నుంచి గాలే వేదికగా తొలి టెస్టు ప్రారంభం కానున్న వేళ ఈ ఘటన భారత జట్టులో కాస్త ఆందోళన కలిగించింది. ఇప్పటికే గాయాల కారణంగా సిరీస్కు బుమ్రా దూరమయ్యాడు. వాషింగ్టన్ సుందర్, హర్షిత్ రాణా కూడా అందుబాటులో లేరు. సాయి సుదర్శన్ కాలివేలు గాయం నుంచి కోలుకుంటూ బెంగళూరులోనే ఉన్నాడు. ఈ పరిస్థితుల్లో గిల్ పూర్తిస్థాయిలో ఫిట్గా ఉండటం జట్టుకు ఎంతో కీలకం.
వార్మప్ మ్యాచ్లో గిల్ బరిలోకి దిగే అవకాశమే ఉన్నా.. ఫీల్డింగ్ సమయంలో అతనిపై ప్రత్యేక జాగ్రత్తలు తీసుకునే అవకాశం కనిపిస్తోంది. ఇటీవల టెస్టుల్లో అద్భుత ఫామ్లో ఉన్న గిల్.. గత 10 మ్యాచుల్లో 1,109 పరుగులు చేసి ఆరు సెంచరీలు నమోదు చేశారు. శ్రీలంక పిచ్లకు అలవాటు పడేందుకు ఈ వార్మప్ మ్యాచ్ అతనికి కీలకంగా మారనుంది.
