వసూళ్ల సునామీ సృష్టిస్తున్న ‘పెద్ది’.. 7 రోజులకే రికార్డు స్థాయి వసూళ్లు
- బాక్సాఫీస్ వద్ద దూసుకుపోతున్న రామ్ చరణ్ ‘పెద్ది’
- తొలి వారంలో ప్రపంచవ్యాప్తంగా రూ. 345 కోట్ల గ్రాస్ వసూళ్లు
- అధికారికంగా ప్రకటించిన నిర్మాణ సంస్థ వృద్ధి సినిమాస్
- వారాంతానికి రూ. 400 కోట్ల క్లబ్లో చేరనుందని అంచనా
- వీక్ డేస్లోనూ నిలకడగా కొనసాగుతున్న కలెక్షన్లు
భారీ అంచనాల నడుమ థియేటర్లలోకి వచ్చిన ఈ సినిమా, అంచనాలకు తగ్గట్టుగానే అద్భుతమైన ఓపెనింగ్స్ సాధించింది. తొలి వారం కలెక్షన్ల వివరాలతో కూడిన ఓ ప్రత్యేక పోస్టర్ను నిర్మాణ సంస్థ 'ఎక్స్' వేదికగా విడుదల చేసింది. వీక్ డేస్లోనూ ‘పెద్ది’ జోరు తగ్గకపోవడం గమనార్హం. నిన్న ఒక్కరోజే ఈ చిత్రం రూ. 12.9 కోట్లు వసూలు చేసి, బాక్సాఫీస్ వద్ద తన పట్టును నిలుపుకుంది.
ప్రస్తుతం ఉన్న వసూళ్ల జోరును బట్టి చూస్తే, ఈ వారాంతం ముగిసేలోగా ‘పెద్ది’ సులభంగా రూ. 400 కోట్ల క్లబ్లో చేరడం ఖాయమని సినీ విశ్లేషకులు అభిప్రాయపడుతున్నారు. రామ్ చరణ్ నటన, బుచ్చిబాబు దర్శకత్వం సినిమా విజయంలో కీలక పాత్ర పోషించాయని ప్రేక్షకులు ప్రశంసిస్తున్నారు.
