Nara Lokesh: ప్రఖ్యాత ఎంసీజీలో మంత్రి నారా లోకేశ్... ఫొటోలు ఇవిగో!
ఆంధ్రప్రదేశ్లో క్రీడారంగ అభివృద్ధి, ముఖ్యంగా అమరావతిలో ప్రపంచ స్థాయి స్పోర్ట్స్ సిటీ నిర్మాణమే లక్ష్యంగా రాష్ట్ర ఐటీ, విద్యాశాఖ మంత్రి నారా లోకేశ్ ఆస్ట్రేలియాలో పర్యటిస్తున్నారు. ఈ పర్యటనలో భాగంగా ఆయన శుక్రవారం చారిత్రాత్మక మెల్బోర్న్ క్రికెట్ గ్రౌండ్ (ఎంసీజీ)ను సందర్శించి, క్రికెట్ విక్టోరియా ఎగ్జిక్యూటివ్లతో సమావేశమయ్యారు.
ఈ భేటీలో, ఆంధ్రప్రదేశ్, విక్టోరియా మధ్య క్రీడా సంబంధాలను బలోపేతం చేసే అంశంపై ప్రధానంగా చర్చించారు. ఇరు ప్రాంతాల క్రీడాకారుల నైపుణ్యాన్ని పెంచేందుకు ఉమ్మడి శిక్షణా శిబిరాలు, స్నేహపూర్వక మ్యాచ్లు నిర్వహించే అవకాశాలను పరిశీలించాలని లోకేశ్ వారిని కోరారు. ఏపీలో క్రీడలకు ఉన్న ఆదరణ, ప్రభుత్వం అందిస్తున్న ప్రోత్సాహాన్ని ఆయన వివరించారు.
ఎంసీజీ కేవలం క్రికెట్ మ్యాచ్లకే పరిమితం కాకుండా, ఏడాది పొడవునా ఆదాయం ఆర్జించే విధానం తనను ఎంతగానో ఆకట్టుకుందని ఈ సందర్భంగా లోకేశ్ తెలిపారు. మైదానంలో ఎలాంటి క్రీడా కార్యకలాపాలు లేనప్పుడు కూడా, ఇక్కడి కన్వెన్షన్, బాంకెట్ హాళ్లు నిత్యం కార్యక్రమాలతో నిండి ఉంటాయని తెలుసుకుని ఆశ్చర్యపోయినట్లు చెప్పారు. ఈ స్టేడియం ద్వారానే విక్టోరియా ప్రభుత్వానికి పర్యాటకం, పన్నుల రూపంలో ఏటా 1.3 బిలియన్ ఆస్ట్రేలియన్ డాలర్ల ఆదాయం వస్తోందని అధికారులు వివరించినట్లు పేర్కొన్నారు.
క్రీడలు కేవలం యువతకు స్ఫూర్తినివ్వడమే కాకుండా, ఆర్థిక వ్యవస్థలను కూడా బలోపేతం చేస్తాయని లోకేశ్ అభిప్రాయపడ్డారు. ఇదే తరహాలో అమరావతిలో స్పోర్ట్స్ సిటీని అభివృద్ధి చేయడమే తమ ప్రభుత్వ లక్ష్యమని స్పష్టం చేశారు. ఇందుకోసం ఆంధ్రా క్రికెట్ అసోసియేషన్తో భాగస్వామ్యం ఏర్పాటు చేసుకోవడం, హై-పర్ఫార్మెన్స్ అకాడమీలను నెలకొల్పడం, స్పోర్ట్స్ సిటీ నిర్మాణాన్ని వేగవంతం చేయడమే తమ రోడ్మ్యాప్ అని ఆయన వివరించారు.
ఈ భేటీలో, ఆంధ్రప్రదేశ్, విక్టోరియా మధ్య క్రీడా సంబంధాలను బలోపేతం చేసే అంశంపై ప్రధానంగా చర్చించారు. ఇరు ప్రాంతాల క్రీడాకారుల నైపుణ్యాన్ని పెంచేందుకు ఉమ్మడి శిక్షణా శిబిరాలు, స్నేహపూర్వక మ్యాచ్లు నిర్వహించే అవకాశాలను పరిశీలించాలని లోకేశ్ వారిని కోరారు. ఏపీలో క్రీడలకు ఉన్న ఆదరణ, ప్రభుత్వం అందిస్తున్న ప్రోత్సాహాన్ని ఆయన వివరించారు.
ఎంసీజీ కేవలం క్రికెట్ మ్యాచ్లకే పరిమితం కాకుండా, ఏడాది పొడవునా ఆదాయం ఆర్జించే విధానం తనను ఎంతగానో ఆకట్టుకుందని ఈ సందర్భంగా లోకేశ్ తెలిపారు. మైదానంలో ఎలాంటి క్రీడా కార్యకలాపాలు లేనప్పుడు కూడా, ఇక్కడి కన్వెన్షన్, బాంకెట్ హాళ్లు నిత్యం కార్యక్రమాలతో నిండి ఉంటాయని తెలుసుకుని ఆశ్చర్యపోయినట్లు చెప్పారు. ఈ స్టేడియం ద్వారానే విక్టోరియా ప్రభుత్వానికి పర్యాటకం, పన్నుల రూపంలో ఏటా 1.3 బిలియన్ ఆస్ట్రేలియన్ డాలర్ల ఆదాయం వస్తోందని అధికారులు వివరించినట్లు పేర్కొన్నారు.
క్రీడలు కేవలం యువతకు స్ఫూర్తినివ్వడమే కాకుండా, ఆర్థిక వ్యవస్థలను కూడా బలోపేతం చేస్తాయని లోకేశ్ అభిప్రాయపడ్డారు. ఇదే తరహాలో అమరావతిలో స్పోర్ట్స్ సిటీని అభివృద్ధి చేయడమే తమ ప్రభుత్వ లక్ష్యమని స్పష్టం చేశారు. ఇందుకోసం ఆంధ్రా క్రికెట్ అసోసియేషన్తో భాగస్వామ్యం ఏర్పాటు చేసుకోవడం, హై-పర్ఫార్మెన్స్ అకాడమీలను నెలకొల్పడం, స్పోర్ట్స్ సిటీ నిర్మాణాన్ని వేగవంతం చేయడమే తమ రోడ్మ్యాప్ అని ఆయన వివరించారు.
