Charlie Kirk: ట్రంప్ సన్నిహితుడి కాల్చివేతపై దక్షిణాఫ్రికా మాజీ కెప్టెన్ డుప్లెసిస్ స్పందన
- అమెరికాలో డొనాల్డ్ ట్రంప్ సన్నిహితుడు చార్లీ కిర్క్ దారుణ హత్య
- యూనివర్సిటీ కార్యక్రమంలో ప్రసంగిస్తుండగా కాల్చి చంపిన దుండగుడు
- అమెరికా తుపాకీ సంస్కృతిపై క్రికెటర్ ఫాఫ్ డుప్లెసిస్ ఆశ్చర్యం
- ఘటన తర్వాత క్యాంపస్ను మూసివేసిన యూనివర్సిటీ అధికారులు
అమెరికాలో రాజకీయ హింస మరోసారి పడగ విప్పింది. అధ్యక్షుడు డొనాల్డ్ ట్రంప్కు అత్యంత సన్నిహితుడు, యువతలో మంచి పట్టున్న కన్జర్వేటివ్ కార్యకర్త చార్లీ కిర్క్ (31) దారుణ హత్యకు గురయ్యారు. ఉటా వ్యాలీ యూనివర్సిటీలో జరిగిన ఓ కార్యక్రమంలో ప్రసంగిస్తుండగా, ఓ దుండగుడు ఆయనను కాల్చి చంపాడు. ఈ ఘటన అమెరికాను దిగ్భ్రాంతికి గురిచేయగా, దక్షిణాఫ్రికా క్రికెటర్, ఐపీఎల్ స్టార్ ఫాఫ్ డుప్లెసిస్ అమెరికా తుపాకీ సంస్కృతిపై చేసిన వ్యాఖ్యలు చర్చనీయాంశమయ్యాయి. అమెరికాను అర్థం చేసుకోలేకపోతున్నానని ట్వీట్ చేశాడు.
ఫాఫ్ డుప్లెసిస్ 'ఎక్స్' వేదికగా స్పందిస్తూ.. "చార్లీ కిర్క్కు శాంతి చేకూరాలి. అమెరికాలో ప్రతి ఒక్కరి దగ్గర తుపాకీ ఎందుకుంటుందో నేను ఎప్పటికీ అర్థం చేసుకోలేను" అని పోస్ట్ చేశాడు.
వివరాల్లోకి వెళితే, కిర్క్ స్థాపించిన ‘టర్నింగ్ పాయింట్ యూఎస్ఏ’ అనే సంస్థ ఆధ్వర్యంలో యూనివర్సిటీ ప్రాంగణంలో బుధవారం ఓ చర్చా కార్యక్రమం ఏర్పాటు చేశారు. ఈ కార్యక్రమంలో కిర్క్ ప్రసంగిస్తూ, ప్రేక్షకుల నుంచి ప్రశ్నలు స్వీకరిస్తున్నారు. సరిగ్గా సామూహిక కాల్పులు, తుపాకీ హింసపై ఒకరు అడిగిన ప్రశ్నకు ఆయన సమాధానం ఇస్తున్న సమయంలోనే ఒక్కసారిగా తుపాకీ పేలిన శబ్దం వినిపించింది. తూటా కిర్క్ మెడలోకి దూసుకెళ్లడంతో, తీవ్ర రక్తస్రావంతో ఆయన అక్కడికక్కడే కుప్పకూలిపోయారు. ఈ భయానక దృశ్యాలు అక్కడున్న వారి కెమెరాల్లో రికార్డ్ అవ్వగా, సోషల్ మీడియాలో వైరల్గా మారాయి.
ఈ హత్యతో అమెరికాలో రాజకీయ వర్గాల మధ్య వైరం, తుపాకుల నియంత్రణపై మరోసారి తీవ్రమైన చర్చ మొదలైంది. ఘటన నేపథ్యంలో యూనివర్సిటీ క్యాంపస్ను సోమవారం వరకు మూసివేస్తున్నట్లు యాజమాన్యం ప్రకటించింది.
ఫాఫ్ డుప్లెసిస్ 'ఎక్స్' వేదికగా స్పందిస్తూ.. "చార్లీ కిర్క్కు శాంతి చేకూరాలి. అమెరికాలో ప్రతి ఒక్కరి దగ్గర తుపాకీ ఎందుకుంటుందో నేను ఎప్పటికీ అర్థం చేసుకోలేను" అని పోస్ట్ చేశాడు.
వివరాల్లోకి వెళితే, కిర్క్ స్థాపించిన ‘టర్నింగ్ పాయింట్ యూఎస్ఏ’ అనే సంస్థ ఆధ్వర్యంలో యూనివర్సిటీ ప్రాంగణంలో బుధవారం ఓ చర్చా కార్యక్రమం ఏర్పాటు చేశారు. ఈ కార్యక్రమంలో కిర్క్ ప్రసంగిస్తూ, ప్రేక్షకుల నుంచి ప్రశ్నలు స్వీకరిస్తున్నారు. సరిగ్గా సామూహిక కాల్పులు, తుపాకీ హింసపై ఒకరు అడిగిన ప్రశ్నకు ఆయన సమాధానం ఇస్తున్న సమయంలోనే ఒక్కసారిగా తుపాకీ పేలిన శబ్దం వినిపించింది. తూటా కిర్క్ మెడలోకి దూసుకెళ్లడంతో, తీవ్ర రక్తస్రావంతో ఆయన అక్కడికక్కడే కుప్పకూలిపోయారు. ఈ భయానక దృశ్యాలు అక్కడున్న వారి కెమెరాల్లో రికార్డ్ అవ్వగా, సోషల్ మీడియాలో వైరల్గా మారాయి.
ఈ హత్యతో అమెరికాలో రాజకీయ వర్గాల మధ్య వైరం, తుపాకుల నియంత్రణపై మరోసారి తీవ్రమైన చర్చ మొదలైంది. ఘటన నేపథ్యంలో యూనివర్సిటీ క్యాంపస్ను సోమవారం వరకు మూసివేస్తున్నట్లు యాజమాన్యం ప్రకటించింది.
