Viaan Mulder: లారా సూపర్ రికార్డు బ్రేక్ చేసే చాన్స్ వచ్చినా... వద్దనుకున్న దక్షిణాఫ్రికా కెప్టెన్
ప్రపంచ రికార్డుకు కేవలం 34 పరుగుల దూరంలో నిలిచి, జట్టు ప్రయోజనాలకే పెద్దపీట వేస్తూ ఇన్నింగ్స్ను డిక్లేర్ చేసి అందరినీ ఆశ్చర్యపరిచాడు దక్షిణాఫ్రికా కెప్టెన్ వియాన్ ముల్డర్. జింబాబ్వేతో జరుగుతున్న రెండో టెస్టులో ట్రిపుల్ సెంచరీతో చెలరేగిన ముల్డర్, వెస్టిండీస్ దిగ్గజం బ్రియాన్ లారా పేరిట ఉన్న 400 పరుగుల ప్రపంచ రికార్డును బద్దలు కొట్టే సువర్ణావకాశాన్ని వదులుకున్నాడు.
వివరాల్లోకి వెళితే, సోమవారం రెండో రోజు ఆటను 264 పరుగుల ఓవర్నైట్ స్కోరుతో ప్రారంభించిన ముల్డర్, కేవలం 297 బంతుల్లోనే ట్రిపుల్ సెంచరీ పూర్తి చేసుకున్నాడు. ఆ తర్వాత కూడా దూకుడుగా ఆడి 334 బంతుల్లో 49 ఫోర్లు, 4 సిక్సర్లతో 367 పరుగులు చేసి అజేయంగా నిలిచాడు. జట్టు స్కోరు 626/5 వద్ద ఉన్నప్పుడు అతను ఇన్నింగ్స్ను డిక్లేర్ చేస్తున్నట్లు ప్రకటించి క్రీడాభిమానులను ఆశ్చర్యంలో ముంచెత్తాడు. 2004లో లారా నెలకొల్పిన 400 పరుగుల రికార్డును బద్దలు కొట్టే అవకాశం వచ్చినా, ముల్డర్ వ్యక్తిగత మైలురాయి కన్నా జట్టుకే ప్రాధాన్యత ఇచ్చాడు.
ఈ ఇన్నింగ్స్తో ముల్డర్ పలు రికార్డులను తన ఖాతాలో వేసుకున్నాడు. టెస్టుల్లో దక్షిణాఫ్రికా తరఫున అత్యధిక వ్యక్తిగత స్కోరు సాధించిన ఆటగాడిగా హాషిమ్ ఆమ్లా (311*)ను అధిగమించాడు. కెప్టెన్గా అరంగేట్రం చేసిన తొలి మ్యాచ్లోనే ట్రిపుల్ సెంచరీ చేసిన మొట్టమొదటి సారథిగా చరిత్ర సృష్టించాడు. అంతేకాకుండా, విదేశీ గడ్డపై అత్యధిక పరుగులు చేసిన పర్యాటక ఆటగాడిగా పాక్ క్రికెటర్ మహ్మద్ హనీఫ్ (337) రికార్డును కూడా బ్రేక్ చేశాడు. ఈ ఇన్నింగ్స్తో టెస్టుల్లో అత్యధిక వ్యక్తిగత స్కోరు చేసిన ఆటగాళ్ల జాబితాలో ముల్డర్ ఐదో స్థానంలో నిలిచాడు.
వివరాల్లోకి వెళితే, సోమవారం రెండో రోజు ఆటను 264 పరుగుల ఓవర్నైట్ స్కోరుతో ప్రారంభించిన ముల్డర్, కేవలం 297 బంతుల్లోనే ట్రిపుల్ సెంచరీ పూర్తి చేసుకున్నాడు. ఆ తర్వాత కూడా దూకుడుగా ఆడి 334 బంతుల్లో 49 ఫోర్లు, 4 సిక్సర్లతో 367 పరుగులు చేసి అజేయంగా నిలిచాడు. జట్టు స్కోరు 626/5 వద్ద ఉన్నప్పుడు అతను ఇన్నింగ్స్ను డిక్లేర్ చేస్తున్నట్లు ప్రకటించి క్రీడాభిమానులను ఆశ్చర్యంలో ముంచెత్తాడు. 2004లో లారా నెలకొల్పిన 400 పరుగుల రికార్డును బద్దలు కొట్టే అవకాశం వచ్చినా, ముల్డర్ వ్యక్తిగత మైలురాయి కన్నా జట్టుకే ప్రాధాన్యత ఇచ్చాడు.
ఈ ఇన్నింగ్స్తో ముల్డర్ పలు రికార్డులను తన ఖాతాలో వేసుకున్నాడు. టెస్టుల్లో దక్షిణాఫ్రికా తరఫున అత్యధిక వ్యక్తిగత స్కోరు సాధించిన ఆటగాడిగా హాషిమ్ ఆమ్లా (311*)ను అధిగమించాడు. కెప్టెన్గా అరంగేట్రం చేసిన తొలి మ్యాచ్లోనే ట్రిపుల్ సెంచరీ చేసిన మొట్టమొదటి సారథిగా చరిత్ర సృష్టించాడు. అంతేకాకుండా, విదేశీ గడ్డపై అత్యధిక పరుగులు చేసిన పర్యాటక ఆటగాడిగా పాక్ క్రికెటర్ మహ్మద్ హనీఫ్ (337) రికార్డును కూడా బ్రేక్ చేశాడు. ఈ ఇన్నింగ్స్తో టెస్టుల్లో అత్యధిక వ్యక్తిగత స్కోరు చేసిన ఆటగాళ్ల జాబితాలో ముల్డర్ ఐదో స్థానంలో నిలిచాడు.
