Balakrishna: బాలకృష్ణ - అనిల్ రావిపూడి సినిమా టైటిల్ ఇదేనంటూ టాక్!

  • గోపీచంద్ మలినేనితో బాలయ్య సినిమా 
  • ముగింపు దశకి చేరుకున్న చిత్రీకరణ 
  • సంక్రాంతికి సినిమా రిలీజ్ 
  • తదుపరి సినిమా అనిల్ రావిపూడితో 
  • లైన్లోనే ఉన్న పరశురామ్  
Balakrishna in Anil Ravipudi Movie

బాలకృష్ణ కథానాయకుడిగా ప్రస్తుతం 'వీరసింహా రెడ్డి' సినిమా రూపొందుతోంది. గోపీచంద్ మలినేని దర్శకత్వం వహిస్తున్న ఈ సినిమా ఇప్పటికే ముగింపు దశకి చేరుకుంది. శ్రుతి హాసన్ కథానాయికగా నటిస్తున్న ఈ సినిమా, రాయలసీమ ఫ్యాక్షన్ నేపథ్యంలో కొనసాగుతుంది. సంక్రాంతికి ఈ సినిమాను భారీ స్థాయిలో విడుదల చేయాలనే ఆలోచనలో ఉన్నారు. 

ఈ సినిమా తరువాత అనిల్ రావిపూడితో కలిసి బాలకృష్ణ సెట్స్ పైకి వెళ్లనున్నారు. తండ్రీకూతుళ్ల ఎమోషన్ ప్రధానంగా నడిచే కథ ఇది. కూతురు పాత్రకిగాను ఆల్రెడీ శ్రీలీల ఎంపిక జరిగిపోయింది. ఈ సినిమాకి 'రామారావుగారు' అనే టైటిల్ ను పరిశీలిస్తున్నట్టుగా వార్తలు వస్తున్నాయి. దాదాపు ఇదే టైటిల్ ను ఖరారు చేయవచ్చనే టాక్ బలంగా వినిపిస్తోంది. వచ్చే ఏడాదిలో ఈ సినిమా రెగ్యులర్ షూటింగు మొదలవుతుంది. 

ఇక ఈ సినిమా తరువాత పరశురామ్ దర్శకత్వంలో బాలకృష్ణ చేసే అవకాశం ఉందని అంటున్నారు. గీతా ఆర్ట్స్ లోనే ఈ సినిమా ఉంటుందని చెప్పుకుంటున్నారు. 'ఊర్వశివో రాక్షసివో' ప్రీ రిలీజ్ ఈవెంటులోను పరశురామ్ మాటలు ఇందుకు మరింత బలాన్ని చేకూర్చాయి. మొత్తానికి బాలకృష్ణ కుర్ర హీరోలకంటే ఫాస్టుగా ప్రాజెక్టులను చక్కబెడుతూ ఉండటం విశేషం.

  • Loading...

More Telugu News