మూసీ నది మరోసారి ఉప్పొంగుతోంది... చూసి ఆస్వాదించండి: నాగార్జున

హైదరాబాదు నగరం మధ్యలోంచి ప్రవహించే మూసీ నది ఇప్పుడు వరద నీటితో పరవళ్లు తొక్కుతోంది. తెలంగాణలోనూ, ఎగువ ప్రాంతాల్లోనూ భారీ వర్షాలు కురుస్తుండడంతో వాగులు, వంకలు పొంగిపొర్లుతున్నాయి. మూసీ పరీవాహక ప్రాంతాల్లోనూ విస్తారంగా వానలు పడుతున్నాయి. ఈ నేపథ్యంలో మూసీ నది కూడా ఉప్పొంగుతోంది.

దీనిపై అగ్రహీరో నాగార్జున స్పందించారు. పదేళ్ల తర్వాత గండిపేట రిజర్వాయర్ గేట్లు ఎత్తారని వెల్లడించారు. మూసీ నది మరోసారి జలకళ సంతరించుకుందని తెలిపారు. ప్రజలు చూసి ఆస్వాదించవచ్చని, అయితే, దాంతో ఆటలాడొద్దని స్పష్టం చేశారు. నాగ్ మూసీ నదికి సంబంధించిన వీడియోను కూడా పంచుకున్నారు.