మరో మ్యాచ్ కు సిద్ధమైన చెన్నై సూపర్ కింగ్స్... రాజస్థాన్ రాయల్స్ తో ఢీ

ఐపీఎల్ లో నేడు రెండో మ్యాచ్ లో చెన్నై సూపర్ కింగ్స్, రాజస్థాన్ రాయల్స్ ఢీకొంటున్నాయి. ఈ మ్యాచ్ కు గువాహతి వేదికగా నిలుస్తోంది. టాస్ గెలిచిన చెన్నై బౌలింగ్ ఎంచుకుంది. టోర్నీలో ఇప్పటివరకు సీఎస్కే రెండు మ్యాచ్ లు ఆడి ఒకదాంట్లో గెలిచింది. రాజస్థాన్ రాయల్స్ తాను ఆడిన రెండు మ్యాచ్ ల్లోనూ ఓటమిపాలైంది. 

నేటి మ్యాచ్ కోసం చెన్నై జట్టులో రెండు మార్పులు చేశారు. శామ్ కరన్ స్థానంలో జేమీ ఒవెర్టన్, దీపక్ హుడా స్థానంలో విజయ్ శంకర్ లకు స్థానం కల్పించారు. మరోవైపు రాజస్థాన్ రాయల్స్ ఎలాంటి మార్పలు లేకుండా బరిలో దిగుతోంది.