ఒత్తిడిని తీసుకోవద్దు.. తిరిగి ఇచ్చేయాలి: వీరేంద్ర సెహ్వాగ్
- 'రైజ్ & ఫాల్' రియాలిటీ షో సీజన్ 2కు హోస్ట్గా వ్యవహరించనున్న సెహ్వాగ్
- ఒత్తిడిని తీసుకోవడం కాదు, ఎదుటివారికి తిరిగి ఇవ్వడమే తన సిద్ధాంతం అన్న వీరూ
- గేమ్లో పాలకులు, శ్రామికులుగా 15 మంది కంటెస్టెంట్లు పోటీ
- కంటెస్టెంట్ల భవిష్యత్తును ప్రేక్షకులు కూడా నిర్దేశించే అవకాశం
- సెప్టెంబర్ 26 నుంచి అమెజాన్ ఎంఎక్స్ ప్లేయర్లో షో ప్రసారం
భారత క్రికెట్ జట్టు మాజీ డాషింగ్ ఓపెనర్ వీరేంద్ర సెహ్వాగ్ ఓ కొత్త ఇన్నింగ్స్ ప్రారంభించబోతున్నాడు. దూకుడైన బ్యాటింగ్తో మైదానంలో బౌలర్లకు చుక్కలు చూపించిన వీరూ, ఇప్పుడు ఓ రియాలిటీ షోకు హోస్ట్గా వ్యవహరించనున్నాడు. ‘రైజ్ & ఫాల్’ పేరుతో రానున్న ఈ స్ట్రీమింగ్ రియాలిటీ షో రెండో సీజన్కు ఆయన వ్యాఖ్యాతగా వ్యవహరించనున్నాడు. ఈ షో ప్రమోషన్ల సందర్భంగా ఒత్తిడిని ఎలా ఎదుర్కోవాలనే విషయంపై తనదైన శైలిలో ఆసక్తికర వ్యాఖ్యలు చేశాడు.
ఈ కార్యక్రమం ప్రచారంలో భాగంగా ఐఏఎన్ఎస్తో మాట్లాడుతూ.. తాను ఎప్పుడూ ఒత్తిడిని తీసుకోనని, దానిని బౌండరీ అవతలికి పంపినట్టే ఎదుటివారి వైపునకు నెట్టేస్తానని సెహ్వాగ్ అన్నాడు.
"ఒత్తిడి అనేది మనం తీసుకునేది కాదు, దాన్ని ప్రత్యర్థికి తిరిగి ఇవ్వాలి. నేను ఎప్పుడూ ఇదే నమ్ముతాను. ఇన్నింగ్స్ మొదటి కొన్ని బంతుల్లోనే నేను బౌండరీ కొడితే, ఒత్తిడి బౌలర్పైకి మళ్లుతుంది. అప్పుడు నన్ను పెవిలియన్ పంపడం కంటే పరుగులు ఆపడంపైనే వారు దృష్టి పెడతారు" అని తన క్రికెట్ అనుభవాన్ని ఉదాహరణగా చూపాడు.
ఈ సూత్రం నిజ జీవితంలో కూడా చక్కగా పనిచేస్తుందని, ఒత్తిడికి గురైతే పూర్తిస్థాయిలో ప్రదర్శన ఇవ్వలేమని, అందుకే దాని బారిన పడకుండా ముందుకు సాగాలని వీరూ వివరించాడు.
'రైజ్ & ఫాల్' షో విషయానికొస్తే, గత సీజన్కు అష్నీర్ గ్రోవర్ హోస్ట్గా వ్యవహరించగా, ఈసారి ఆ బాధ్యతలను సెహ్వాగ్ స్వీకరించాడు. బనిజయ్ ఆసియా నిర్మిస్తున్న ఈ షోలో మొత్తం 15 మంది కంటెస్టెంట్లు 42 రోజుల పాటు పోటీపడతారు. ఇందులో అధికారం, వ్యూహాలు, పొత్తుల చుట్టూ గేమ్ సాగుతుంది. కంటెస్టెంట్లను 'రూలర్స్' (పాలకులు), 'వర్కర్స్' (శ్రామికులు)గా విభజిస్తారు. టవర్లో ఉంటూ రూలర్స్ గేమ్ను నియంత్రిస్తే, బేస్మెంట్లో ఉండే వర్కర్స్ పైకి రావడానికి పోరాడాల్సి ఉంటుంది.
ఈ సీజన్లో ప్రేక్షకులకు కూడా భాగస్వామ్యం కల్పించడం ఒక కొత్త ఆకర్షణ. ఎవరు పాలకుడిగా ఉండాలి, ఎవరు శ్రామికుడిగా మారాలి అనే విషయంలో ప్రేక్షకులు తమ ఓటు ద్వారా ప్రభావితం చేయవచ్చు. ఈ షోలో నటి స్వరా భాస్కర్, కరణ్ పటేల్, ప్రియాంక చాహర్ చౌదరి, గౌతమ్ గులాటి, తేజ్ ప్రతాప్ యాదవ్ వంటి ప్రముఖులు కంటెస్టెంట్లుగా పాల్గొంటున్నారు.
ఈ షో ద్వారా వీరేంద్ర సెహ్వాగ్ స్ట్రీమింగ్ ప్లాట్ఫామ్లో రియాలిటీ షో హోస్ట్గా అరంగేట్రం చేస్తున్నాడు. 'రైజ్ & ఫాల్' సీజన్ 2 సెప్టెంబర్ 26 నుంచి అమెజాన్ ఎంఎక్స్ ప్లేయర్లో స్ట్రీమింగ్ కానుంది.
ఈ కార్యక్రమం ప్రచారంలో భాగంగా ఐఏఎన్ఎస్తో మాట్లాడుతూ.. తాను ఎప్పుడూ ఒత్తిడిని తీసుకోనని, దానిని బౌండరీ అవతలికి పంపినట్టే ఎదుటివారి వైపునకు నెట్టేస్తానని సెహ్వాగ్ అన్నాడు.
"ఒత్తిడి అనేది మనం తీసుకునేది కాదు, దాన్ని ప్రత్యర్థికి తిరిగి ఇవ్వాలి. నేను ఎప్పుడూ ఇదే నమ్ముతాను. ఇన్నింగ్స్ మొదటి కొన్ని బంతుల్లోనే నేను బౌండరీ కొడితే, ఒత్తిడి బౌలర్పైకి మళ్లుతుంది. అప్పుడు నన్ను పెవిలియన్ పంపడం కంటే పరుగులు ఆపడంపైనే వారు దృష్టి పెడతారు" అని తన క్రికెట్ అనుభవాన్ని ఉదాహరణగా చూపాడు.
ఈ సూత్రం నిజ జీవితంలో కూడా చక్కగా పనిచేస్తుందని, ఒత్తిడికి గురైతే పూర్తిస్థాయిలో ప్రదర్శన ఇవ్వలేమని, అందుకే దాని బారిన పడకుండా ముందుకు సాగాలని వీరూ వివరించాడు.
'రైజ్ & ఫాల్' షో విషయానికొస్తే, గత సీజన్కు అష్నీర్ గ్రోవర్ హోస్ట్గా వ్యవహరించగా, ఈసారి ఆ బాధ్యతలను సెహ్వాగ్ స్వీకరించాడు. బనిజయ్ ఆసియా నిర్మిస్తున్న ఈ షోలో మొత్తం 15 మంది కంటెస్టెంట్లు 42 రోజుల పాటు పోటీపడతారు. ఇందులో అధికారం, వ్యూహాలు, పొత్తుల చుట్టూ గేమ్ సాగుతుంది. కంటెస్టెంట్లను 'రూలర్స్' (పాలకులు), 'వర్కర్స్' (శ్రామికులు)గా విభజిస్తారు. టవర్లో ఉంటూ రూలర్స్ గేమ్ను నియంత్రిస్తే, బేస్మెంట్లో ఉండే వర్కర్స్ పైకి రావడానికి పోరాడాల్సి ఉంటుంది.
ఈ సీజన్లో ప్రేక్షకులకు కూడా భాగస్వామ్యం కల్పించడం ఒక కొత్త ఆకర్షణ. ఎవరు పాలకుడిగా ఉండాలి, ఎవరు శ్రామికుడిగా మారాలి అనే విషయంలో ప్రేక్షకులు తమ ఓటు ద్వారా ప్రభావితం చేయవచ్చు. ఈ షోలో నటి స్వరా భాస్కర్, కరణ్ పటేల్, ప్రియాంక చాహర్ చౌదరి, గౌతమ్ గులాటి, తేజ్ ప్రతాప్ యాదవ్ వంటి ప్రముఖులు కంటెస్టెంట్లుగా పాల్గొంటున్నారు.
ఈ షో ద్వారా వీరేంద్ర సెహ్వాగ్ స్ట్రీమింగ్ ప్లాట్ఫామ్లో రియాలిటీ షో హోస్ట్గా అరంగేట్రం చేస్తున్నాడు. 'రైజ్ & ఫాల్' సీజన్ 2 సెప్టెంబర్ 26 నుంచి అమెజాన్ ఎంఎక్స్ ప్లేయర్లో స్ట్రీమింగ్ కానుంది.
