'కన్నప్ప' సెట్లోకి అడుగుపెట్టిన ప్రభాస్

మంచు విష్ణు హీరోగా 'కన్నప్ప' సినిమా రూపొందుతోంది. ఆయన సొంత బ్యానర్లో నిర్మితమవుతున్న భారీ బడ్జెట్ సినిమా ఇది. ఏ సినిమాకి సంబంధించిన చిత్రీకరణ చాలా వరకూ న్యూజిలాండ్ లో జరిగింది. ఆ తరువాత కొంత చిత్రీకరణ హైదరాబాద్ - రామోజీ ఫిల్మ్ సిటీలో వేసిన ప్రత్యేకమైన సెట్లో జరిగింది.

తాజా షెడ్యూల్ కూడా ఈ నెల 7వ తేదీ నుంచి, రామోజీ ఫిల్మ్ సిటీలోనే జరుగుతోంది. ప్రధానమైన పాత్రల కాంబినేషన్లోని కొన్ని కీలకమైన సన్నివేశాలను చిత్రీకరిస్తున్నారు. ఈ సినిమాలో నందీశ్వరుడిగా ప్రభాస్ కనిపించనున్నాడు. రీసెంటుగా ఆయన ఈ సినిమా సెట్లో అడుగుపెట్టాడు. మరో నాలుగు రోజుల పాటు ఆయన పోర్షన్ షూటింగ్ జరగనుంది.

 గతంలో వచ్చిన 'భక్త కన్నప్ప' లో నందీశ్వరుడి పాత్ర ఉండదు. కేవలం శివుడికి .. కన్నప్పకి మధ్య సీన్స్ మాత్రమే ఉంటాయి. ఈ సినిమాలో నందీశ్వరుడి పాత్రను డిజైన్ చేశారు. ఇతర కీలకమైన పాత్రలలో అక్షయ్ కుమార్ .. మోహన్ లాల్ .. శివరాజ్ కుమార్ .. మోహన్ బాబు  తదితరులు కనిపించనున్నారు.