అండర్-19 వరల్డ్ కప్ ఫైనల్లో తెలుగులో మాట్లాడుకున్న ఇద్దరు క్రికెటర్లు... వీడియో వైరల్

దక్షిణాఫ్రికాలోని బెనోనీలో నిన్న భారత్, ఆస్ట్రేలియా జట్ల మధ్య అండర్-19 వరల్డ్ కప్ ఫైనల్ జరిగింది. ఈ మ్యాచ్ లో భారత్ ఓడిపోయింది. కాగా, ఈ మ్యాచ్ కు సంబంధించిన ఓ వీడియో సామాజిక మాధ్యమాల్లో వైరల్ అవుతోంది. ఇద్దరు క్రికెటర్లు తెలుగులో మాట్లాడుకోవడం ఈ వీడియోలో గమనించవచ్చు. 

భారత జట్టు వికెట్ కీపర్ అవనీశ్ రావు, బౌలర్ మురుగన్ అభిషేక్ ఇద్దరూ హైదరాబాద్ వాళ్లే. అభిషేక్ బౌలింగ్ చేస్తున్న సమయంలో వికెట్ల వెనకాల ఉన్న అవనీశ్ రావు అతడికి తెలుగులో సూచనలు చేయడం వినిపించింది. ఈ వీడియోను మ్యాచ్ ప్రసారకర్త స్టార్ స్పోర్ట్స్ తెలుగు చానల్ తన సోషల్ మీడియా అకౌంట్లో పంచుకుంది.