ఇన్ స్టాగ్రామ్ లో రష్మికకు 40 మిలియన్ల ఫాలోవర్లు

అందాలభామ రష్మిక మందన్న సోషల్ మీడియాలో దూసుకుపోతోంది. రష్మికను ఇన్ స్టాగ్రామ్ లో ఫాలో అయ్యే వారి సంఖ్య 40 మిలియన్లకు చేరింది. 'ఛలో' చిత్రంతో తెలుగు తెరకు పరిచయం అయిన ఈ కన్నడ భామ కొద్దికాలంలోనే అగ్రహీరోల సరసన నటించే స్థాయికి ఎదిగింది. 

గీత గోవిందం, సరిలేరు నీకెవ్వరు, పుష్ప చిత్రాలతో రష్మిక స్టార్ డమ్ అమాంతం పెరిగిపోయింది. 'వారిసు' చిత్రంతో తమిళంలోనూ హిట్ కొట్టిన ఈ స్లిమ్ బ్యూటీ తాజాగా 'యానిమల్' చిత్రంతో బాలీవుడ్ ప్రేక్షకులను కూడా పలకరించింది. తాజాగా ఆమె 'పుష్ప' సెకండ్ పార్ట్ లోనూ నటిస్తోంది. అంతేకాదు, రష్మిక ప్రధాన పాత్రలో డ్రీమ్ వారియర్ పిక్చర్స్ 'రెయిన్ బో' చిత్రాన్ని తెరకెక్కిస్తోంది.