MS Dhoni: షర్ట్ పై ధోనీ ఆటోగ్రాఫ్ తీసుకున్న గవాస్కర్

టీమిండియా మాజీ కెప్టెన్ మహేంద్రసింగ్ ధోనీ ఆటోగ్రాఫ్ ను క్రికెట్ దిగ్గజం గవాస్కర్ తన షర్ట్ పై తీసుకున్నారు. ఐపీఎల్ లో నిన్న చెన్నై సూపర్ కింగ్స్ ను కేకేఆర్ 6 వికెట్ల తేడాతో ఓడించింది. చేపాక్ స్టేడియంలో జరిగిన ఈ మ్యాచ్ ముగిసిన అనంతరం తన జట్టు సభ్యులతో కలిసి ధోనీ అభిమానులకు అభివాదం చేస్తూ స్టేడియం చుట్టూ తిరిగారు. ఈ మ్యాచ్ కు గవాస్కర్ కామెంటేటర్ గా వ్యవహరించారు. ధోనీ స్టేడియం చుట్టూ తిరుగుతున్న సమయంలో గవాస్కర్ ఆయన వద్దకు వచ్చి షర్ట్ పై ఆటోగ్రాఫ్ చేయాలని అడిగారు. వెంటనే ధోనీ నవ్వుతూ ఆటోగ్రాఫ్ చేశారు. ఆ తర్వాత ఇద్దరూ ఆప్యాయంగా హత్తుకున్నారు. ఆ తర్వాత గవాస్కర్ లైవ్ లో మాట్లాడుతూ... తర్వాత మ్యాచ్ ల కోసం తనకు మరో కొత్త పింక్ షర్ట్ ఇవ్వాలని సరదాగా అడిగారు.