Jagan: రాజధాని లేని రాష్ట్ర ముఖ్యమంత్రికి స్వాగతం అంటూ విశాఖలో ఫ్లెక్సీలు

ఏపీ ముఖ్యమంత్రి జగన్ కు వ్యతిరేకంగా విశాఖలో జన జాగరణ సమితి ఏర్పాటు చేసిన ఫ్లెక్సీలు కలకలం రేపుతున్నాయి. జగన్ రేపు విశాఖ పర్యటనకు వస్తున్నారు. ఈ సందర్భంగా నగరంలో పలు చోట్ల ఫ్లెక్సీలు వెలిశాయి. రాజధాని లేని ముఖ్యమంత్రికి స్వాగతం సుస్వాగతం అని ఫ్లెక్సీల్లో పేర్కొన్నారు. మరోవైపు రేపటి పర్యటనలో జగన్ భోగాపురం ఎయిర్ పోర్టుకు శంకుస్థాపన చేయనున్నారు. ఆ తర్వాత తారకరామతీర్థ సాగర్ ప్రాజెక్టు మిగులు పనులు, చింతపల్లి ఫిష్ ల్యాండింగ్ సెంటర్ నిర్మాణాలకు సంబంధించి శిలాఫలకాలను ఆవిష్కరించనున్నారు. ఆ తర్వాత ఐటీ టెక్ పార్క్ కు శంకుస్థాపన చేస్తారు.