Balakrishna: బాలయ్యతో పొలిటికల్ డ్రామా ప్లాన్ చేసిన బోయపాటి!

బాలయ్య - బోయపాటి కాంబినేషన్ కి ఒక రేంజ్ లో క్రేజ్ ఉంది. అందుకు కారణం ఈ ఇద్దరి కలయికలో ఇంతవరకూ వచ్చిన 'సింహా' .. 'లెజెండ్' .. 'అఖండ' ఒకదానికి మించి మరొకటి హిట్ కావడమే. ఈ నేపథ్యంలోనే ఈ ఇద్దరి కాంబినేషన్ లో మరో ప్రాజెక్టు పట్టాలెక్కనుందనేది తాజా సమాచారం. అయితే అందరూ అనుకుంటున్నట్టుగా అది 'అఖండ'కి సీక్వెల్ కాదు. 

'అఖండ' సీక్వెల్ కంటే ముందుగా బాలయ్య - బోయపాటి మరో సినిమా చేయనున్నారని తెలుస్తోంది. పొలిటికల్ డ్రామాతో కూడిన యాక్షన్ తో ఈ కథ నడుస్తుందని అంటున్నారు. ఆల్రెడీ బోయపాటి కథ చెప్పడం .. బాలయ్య ఓకే అనడం జరిగిపోయాయని చెబుతున్నారు. వచ్చే ఏడాది ద్వితీయార్థంలో ఈ సినిమా రెగ్యులర్ షూటింగును మొదలుపెట్టి, 2024 సమ్మర్ లో రిలీజ్ చేసే ఆలోచనలో ఉన్నారని టాక్. 

ప్రస్తుతం గోపీచంద్ మలినేని దర్శకత్వంలో బాలయ్య ఒక సినిమా చేస్తున్నారు. ఇది మాస్ యాక్షన్ జోనర్లో రూపొందుతోంది. ఆ తరువాత అనిల్ రావిపూడి దర్శకత్వంలో ఆయన ఫ్యామిలీ డ్రామా చేయనున్నారు. ఈ ప్రాజెక్టును పూర్తి చేసి, ఆ తరువాత ఆయన బోయపాటితో కలిసి సెట్స్ పైకి వెళతారన్న మాట.