Varun Tej: 'గని' నుంచి నదియా పాత్ర పరిచయం!

  • వరుణ్ తేజ్ తాజా చిత్రంగా 'గని'
  • బాక్సింగ్ నేపథ్యంలో నడిచే కథ 
  • కీలకమైన పాత్రలో సునీల్ శెట్టి 
  • డిసెంబర్ 3వ తేదీన విడుదల
Ghani movie Nadiya first look released

వరుణ్ తేజ్ కథానాయకుడిగా 'గని' సినిమా రూపొందింది. అల్లు బాబీ - సిద్ధు ముద్ద నిర్మించిన ఈ సినిమాకి, కిరణ్ కొర్రపాటి దర్శకత్వం వహించాడు. బాక్సింగ్ నేపథ్యంలో నడిచే కథ ఇది. ఈ పాత్రకి అవసరమైన ఫిట్ నెస్ కోసం వరుణ్ తేజ్ గట్టిగానే కసరత్తు చేశాడు. బాక్సింగ్ లో ప్రత్యేకమైన శిక్షణ పొందాడు.

ఈ సినిమాలో నటీనటుల పేర్లను రీసెంట్ గా రివీల్ చేశారు. ఈ సినిమాలో 'మాధురి' అనే కీలకమైన పాత్రను నదియా పోషించింది. ఆ పాత్రను పరిచయం చేస్తూ ఆమె లుక్ రిలీజ్ చేశారు. ఈ సినిమాకి ఆమె పాత్ర హైలైట్ గా నిలవనున్నట్టు చెబుతున్నారు. ఇంతవరకూ ఆమె చేస్తూ వచ్చిన పాత్రలకి ఈ పాత్ర భిన్నంగా ఉంటుందని అంటున్నారు.

ఈ నెల 15వ తేదీన ఈ సినిమా నుంచి టీజర్ ను రిలీజ్ చేయనున్నారు. తమన్ సంగీతాన్ని సమకూర్చుతున్న ఈ సినిమాలో, జగపతిబాబు .. సునీల్ శెట్టి .. ఉపేంద్ర .. నరేశ్ .. తనికెళ్ల భరణి .. నవీన్ చంద్ర ముఖ్యమైన పాత్రల్లో కనిపించనున్నారు. డిసెంబర్ 3వ తేదీన ఈ సినిమాను విడుదల చేయనున్నారు.

More Telugu News