అఖిల్ మూవీలో పవర్ఫుల్ రోల్ .. మమ్ముట్టి కోసం ప్రయత్నాలు!

అఖిల్ హీరోగా సురేందర్ రెడ్డి 'ఏజెంట్' అనే సినిమాను రూపొందిస్తున్నాడు. ఈ సినిమాలో ఆయన అఖిల్ ను కొత్త లుక్ తో చూపించనున్నాడు. ఆల్రెడీ బయటికి వచ్చిన ఆయన లుక్ కి మంచి రెస్పాన్స్ వచ్చింది. ఇంతవరకూ అఖిల్ కనిపిస్తూ వచ్చిన లుక్స్ కి ఈ లుక్ పూర్తి డిఫరెంట్ గా ఉంది. ఈ సినిమాలో కథానాయిక పాత్ర కోసం 'సాక్షి వైద్య'ను తీసుకున్నారు. తెలుగులో ఈ అమ్మాయికి ఇదే మొదటి సినిమా. 

ఇక ఈ సినిమాలో పవర్ఫుల్ రోల్ ఒకటి ఉందట. కథలో కీలకమైన ఈ పాత్ర మమ్ముట్టి చేస్తే బాగుంటుందనే ఉద్దేశంతో ఆయనను సంప్రదిస్తున్నట్టుగా తెలుస్తోంది. ఆయన ఎంపిక దాదాపు ఖరారు కావొచ్చని అంటున్నారు. చాలాకాలం క్రితమే మమ్ముట్టి తెలుగు సినిమాలు చేశారు. 'స్వాతి కిరణం' వంటి సినిమాలో ఆయన నటనను ప్రేక్షకులు ఇప్పటికీ మరిచిపోలేరు. ఇక ఆ మధ్య ఆయన 'యాత్ర' సినిమా ద్వారా ఈ తరం ప్రేక్షకులకు చేరువయ్యారు. అలాంటి మమ్ముట్టిని సురేందర్ రెడ్డి మళ్లీ తెలుగు తెరపైకి తీసుకొచ్చే ప్రయత్నాలు చేస్తున్నాడన్న మాట!