అల్లుడికి బహుమతిగా ఏకే-47... వైరల్ వీడియో ఇదిగో!

పెళ్లికి బహుమతులంటే డబ్బులు పెట్టిన కవర్లు, విలువైన ఆభరణాలు, గృహాలంకరణ వస్తువులు ఇస్తారు. ఇంకొందరు వినూత్నంగా ఉండాలంటూ వెరైటీ గిఫ్ట్ లను కూడా తెస్తారు. కానీ ఎవరైనా మారణాయుధాలను బహుమతిగా ఇస్తారా? కానీ, ఈ వీడియో చూస్తే మీరు నమ్ముతారు. పాకిస్థాన్ లో జరిగిందీ ఘటన. తన అల్లుడికి ఏకే-47 రైఫిల్ ను ఓ అత్త బహుకరించింది. అదీల్ అహ్సాన్ అనే నెటిజన్ ఈ వీడియోను షేర్ చేశాడు.

పాక్ లో ఓ వివాహం తరువాత రిసెప్షన్ జరుగగా, వధూవరులు కూర్చుని ఉన్న వేళ, వరుడిని ఆశీర్వదించిన ఓ మహిళ, తన పక్కనున్నవారిని అడిగి, తను తెచ్చిన గన్ ను తీసుకుని వరుడికి ఇస్తున్న వేళ, వారంతా చప్పట్లు, కేకలతో హోరెత్తించారు. ఆ ప్రత్యేక బహుమతిని ఏ మాత్రమూ ఆశ్చర్యపోకుండా వరుడు తన చేతుల్లోకి తీసుకున్నాడు. కాగా, పాక్ లో ఓ ప్రాంత సంప్రదాయంలో ఇలా తుపాకులను బహుకరిస్తారట.