బన్నీ ప్రత్యేక దృష్టి .. పాన్ ఇండియా మూవీగానే 'ఐకాన్'

అల్లు అర్జున్ .. సుకుమార్  కాంబినేషన్లో 'పుష్ప' రూపొందనుంది. లాక్ డౌన్ ఎత్తేయగానే ఈ సినిమా రెగ్యులర్ షూటింగ్ మొదలుకానుంది. ఈ సినిమా తరువాత అల్లు అర్జున్ .. 'ఐకాన్' సినిమా చేయనున్నాడు. నిజానికి సుకుమార్ సినిమాకంటే ముందే వేణు శ్రీరామ్ దర్శకత్వంలో 'ఐకాన్' చేయడానికి బన్నీ అంగీకరించాడు. 'దిల్' రాజు నిర్మాణంలో పనులు మొదలయ్యాయి కూడా.

ఈ లోగా సుకుమార్ రావడంతో బన్నీ ఆ ప్రాజెక్టును ముందుకు తెచ్చాడు. ఈ సినిమా తరువాత ఆయన 'ఐకాన్' చేస్తాననే 'దిల్' రాజుతో చెప్పాడట. పాన్ ఇండియా మూవీకి తగినట్టుగా కథలో మార్పులు చేయమని సూచించాడని అంటున్నారు. ప్రస్తుతం వేణు శ్రీరామ్ ఆ పనిలోనే వున్నాడని అంటున్నారు. దీనిని బట్టీ 'ఐకాన్' సినిమా కూడా భారీ బడ్జెట్లోనే ఉంటుందనీ, తెలుగుతో పాటు ఇతర భాషల్లోను విడుదల కానుందని తెలుస్తోంది.