‘మా’ సమావేశం ఫ్రెండ్లీగా జరిగింది.. చక్కగా మాట్లాడుకున్నాం: ‘కరాటే’ కల్యాణి
- ‘మా’లో ఎటువంటి విభేదాలు లేవు
- ‘మా’ అధ్యక్షుడు బిజీగా ఉండటం వల్లే హాజరు కాలేదు
- నరేశ్, జీవితా రాజశేఖర్ మధ్య విభేదాలు ఉంటే వాళ్లే చూసుకుంటారు
ఈరోజు నిర్వహించిన మూవీ ఆర్టిస్ట్ అసోసియేషన్ (మా) సర్వసభ్య సమావేశంలో గందరగోళం నెలకొన్నట్టు వార్తలు వస్తున్న విషయం తెలిసిందే. ఇప్పటికే ‘మా’ సభ్యుడు పృథ్వీరాజ్ విమర్శలు చేశారు. అయితే, ఈ సమావేశంలో పాల్గొన్న మరో సభ్యురాలు కరాటే కల్యాణి మాత్రం ‘మా’లో ఎటువంటి విభేదాలు లేవని అన్నారు. ఈ సందర్భంగా ఆమెను పలకరించిన మీడియాతో మాట్లాడుతూ, ‘అందరమూ చక్కగా కలుసుకున్నామని, పరస్పర కుశల ప్రశ్నలు వేసుకున్నామని, భోజనం చేశామని చెప్పారు. ‘మా’ అధ్యక్షుడు నరేశ్ బిజీగా ఉండటం వల్లే ఈ సమావేశానికి హాజరుకాలేదని, ‘నెక్స్ట్ మీటింగ్ కు వస్తారు’ అని అన్నారు. ‘మా’ అధ్యక్షుడు నరేశ్, జనరల్ సెక్రటరీ జీవితా రాజశేఖర్ మధ్య ఏమైనా విభేదాలు కనుక ఉంటే వాళ్లే చూసుకుంటారని అన్నారు.
