‘సింహాసనం ఖాళీ చేయండి.. ప్రజలు వస్తున్నారు’.. శశి థరూర్‌ సంచలన పోస్ట్‌!
- సీఈసీ జ్ఞానేశ్‌ కుమార్‌ రాజీనామాకు ప్రతిపక్షాల డిమాండ్‌
- దినకర్‌ కవితలోని ప్రసిద్ధ పంక్తులను పంచుకున్న శశి థరూర్‌
- ‘ఈ ప్రభుత్వం దిగిపోతుంది’ అన్న రాహుల్‌ వ్యాఖ్యను షేర్‌ చేసిన థరూర్‌
- అక్టోబర్‌ 10 నాటి నిరసనల్లో హింస జరిగిందని ప్రతిపక్షాల ఆరోపణ
- ఢిల్లీలో ర్యాలీకి సిద్ధమైన ఇండియా కూటమి
ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలంటూ ప్రతిపక్షాల నుంచి విమర్శలు వెల్లువెత్తుతున్న వేళ.. కాంగ్రెస్‌ సీనియర్‌ నేత శశి థరూర్‌ కూడా ఆ స్వరాన్ని వినిపించారు. ప్రముఖ హిందీ కవి రామ్‌ధారీ సింగ్‌ దినకర్‌ రచించిన ‘జనతంత్ర్‌ కీ జన్మ్‌’ కవితలోని ప్రసిద్ధ పంక్తులను సోమవారం సోషల్‌ మీడియాలో పంచుకున్నారు. ‘సింహాసన్‌ ఖాళీ కరో కీ జనతా ఆతీ హై’ అంటూ ప్రజల శక్తిని గుర్తుచేసే వ్యాఖ్యను పోస్ట్‌ చేశారు. మరో పోస్టులో రాహుల్‌ గాంధీ చేసిన ‘ఈ ప్రభుత్వం దిగిపోతుంది’ అనే వ్యాఖ్యనూ పంచుకున్నారు.
సీఈసీ జ్ఞానేశ్‌ కుమార్‌ రాజీనామా చేయాలంటూ అక్టోబర్‌ 10న జరిగిన నిరసన సందర్భంగా పోలీసులు హింసకు పాల్పడ్డారని, బీజేపీ కార్యకర్తలు విద్యార్థులు, మహిళలపై దాడులు చేశారని ప్రతిపక్షాలు ఆరోపిస్తున్నాయి. ఈ ఘటనలను నిరసిస్తూ కాంగ్రెస్‌ నేతృత్వంలో ఇండియా కూటమి ఢిల్లీలో ర్యాలీ నిర్వహించేందుకు సిద్ధమైంది. గత వారం రోజులుగా రాహుల్‌ గాంధీ నేతృత్వంలో కాంగ్రెస్‌ నిరసనలు కొనసాగిస్తోంది.
ఇటీవలి నిరసనల్లో శశి థరూర్‌ చురుగ్గా పాల్గొనకపోవడం గమనార్హం. బీజేపీ నేతృత్వంలోని కేంద్ర ప్రభుత్వ వైఖరికి కొన్ని అంశాల్లో ఆయన మద్దతు పలికారు. ముఖ్యంగా 2025 మేలో భారత్‌-పాకిస్థాన్‌ మధ్య నాలుగు రోజుల పాటు సాగిన సైనిక ఘర్షణకు సంబంధించిన ‘ఆపరేషన్‌ సిందూర్‌’ విషయంలో ప్రభుత్వ వైఖరిని సమర్థించారు. అలాంటి థరూర్‌ ఇప్పుడు ప్రతిపక్షాల నిరసనలకు మద్దతుగా పరోక్షంగా స్పందించడం రాజకీయంగా ప్రాధాన్యం సంతరించుకుంది.
సీఈసీ జ్ఞానేశ్‌ కుమార్‌ రాజీనామా చేయాలంటూ అక్టోబర్‌ 10న జరిగిన నిరసన సందర్భంగా పోలీసులు హింసకు పాల్పడ్డారని, బీజేపీ కార్యకర్తలు విద్యార్థులు, మహిళలపై దాడులు చేశారని ప్రతిపక్షాలు ఆరోపిస్తున్నాయి. ఈ ఘటనలను నిరసిస్తూ కాంగ్రెస్‌ నేతృత్వంలో ఇండియా కూటమి ఢిల్లీలో ర్యాలీ నిర్వహించేందుకు సిద్ధమైంది. గత వారం రోజులుగా రాహుల్‌ గాంధీ నేతృత్వంలో కాంగ్రెస్‌ నిరసనలు కొనసాగిస్తోంది.
ఇటీవలి నిరసనల్లో శశి థరూర్‌ చురుగ్గా పాల్గొనకపోవడం గమనార్హం. బీజేపీ నేతృత్వంలోని కేంద్ర ప్రభుత్వ వైఖరికి కొన్ని అంశాల్లో ఆయన మద్దతు పలికారు. ముఖ్యంగా 2025 మేలో భారత్‌-పాకిస్థాన్‌ మధ్య నాలుగు రోజుల పాటు సాగిన సైనిక ఘర్షణకు సంబంధించిన ‘ఆపరేషన్‌ సిందూర్‌’ విషయంలో ప్రభుత్వ వైఖరిని సమర్థించారు. అలాంటి థరూర్‌ ఇప్పుడు ప్రతిపక్షాల నిరసనలకు మద్దతుగా పరోక్షంగా స్పందించడం రాజకీయంగా ప్రాధాన్యం సంతరించుకుంది.
