ఫ్లైదుబాయ్ విమానంలో పైలట్‌పై దాడి వెనుక ఇరాన్ హస్తం ఉండొచ్చు.. ట్రంప్ సంచలన ఆరోపణలు
- ఈ దాడికి ఇరాన్‌కు సంబంధం ఉందని ట్రంప్ అనుమానం
- ఇప్పుడే చెప్పలేమన్న ఇజ్రాయెల్ ప్రధాని నెతన్యాహు
- కో-పైలట్ రాడికలైజ్ అయ్యాడని వెల్లడి
- భారత సంతతి కెప్టెన్ స్మిత్ మచ్ఛర్‌పై కత్తితో దాడి చేసిన కో-పైలట్
- ఈ ఘటనపై దర్యాప్తు కొనసాగిస్తున్న పలు దేశాల అధికారులు
ఫ్లైదుబాయ్ విమానంలో భారత సంతతి కెప్టెన్‌పై జరిగిన కత్తిదాడి ఘటనలో ఇరాన్ హస్తం ఉండొచ్చని అమెరికా అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. ఈ విషయంపై దర్యాప్తు ఇంకా కొనసాగుతోందని, అయితే తనకు అందుతున్న ప్రాథమిక సమాచారం ప్రకారం దాడి వెనుక ఇరాన్ ఉండే అవకాశాలు స్పష్టంగా కనిపిస్తున్నాయని ఆయన పేర్కొన్నారు. ఈ ఘటన అంతర్జాతీయంగా తీవ్ర కలకలం రేపడంతో పాటు ప‌శ్చిమాసియా కొత్త ఉద్రిక్తతలకు దారితీసే సూచనలు కనిపిస్తున్నాయి.
దుబాయ్ నుంచి టెల్ అవీవ్‌కు వెళుతున్న విమానంలో జరిగిన ఈ దాడికి, ఇరాన్‌కు మధ్య సంబంధంపై విలేకరులు ప్రశ్నించగా ట్రంప్ స్పందించారు. "నాకు అందుతున్న సమాచారాన్ని బట్టి చూస్తే, సమాధానం అవుననే చెబుతాను. కానీ మేము ప్రస్తుతం దానిపై పూర్తిస్థాయిలో పనిచేస్తున్నాం" అని ఆయన అన్నారు.
ఇరాన్‌కు చెందిన 'ఇస్లామిక్ రివల్యూషనరీ గార్డ్ కార్ప్స్' (ఐఆర్‌జీసీ) ఈ కో-పైలట్‌ను విమానంలోకి పంపించిందా? లేక మరేదైనా మార్గంలో రాడికలైజ్ చేసిందా? అని అడగ్గా, "అలా జరిగి ఉండవచ్చు, అవును" అని ట్రంప్ బదులిచ్చారు. ఒకవేళ ఈ దాడి వెనుక ఇరాన్ హస్తం ఉన్నట్లు తేలితే ఆ దేశం తీవ్ర పరిణామాలు ఎదుర్కోవాల్సి ఉంటుందని ఆయన పరోక్షంగా హెచ్చరించారు.
అది తొందరపాటు అవుతుంది: నెతన్యాహు
అయితే, ఇదే అంశంపై ఇజ్రాయెల్ ప్రధాని బెంజమిన్ నెతన్యాహును ప్రశ్నించగా, ఆయన ఆచితూచి స్పందించారు. ఇప్పుడే ఇరాన్ ప్రమేయంపై ఒక నిర్ధారణకు రావడం తొందరపాటు అవుతుందని, దర్యాప్తు పూర్తయ్యే వరకు వేచి చూడాలని అన్నారు. అయితే, దాడికి పాల్పడిన కో-పైలట్ ఇస్లామిస్ట్ రాడికలైజేషన్‌కు గురైనట్లు తమ వద్ద ఉన్న ప్రాథమిక ఆధారాలు సూచిస్తున్నాయని ఆయన తెలిపారు. కో-పైలట్ వ్యక్తిగత సమాచారాన్ని, అతని నేపథ్యాన్ని లోతుగా పరిశీలిస్తున్నామని, కొన్ని రోజుల్లో ఈ ఘటనపై మరింత స్పష్టత వచ్చే అవకాశం ఉందని నెతన్యాహు వివరించారు.
అసలేం జరిగింది?
సెప్టెంబర్ 30న ఫ్లైదుబాయ్ విమానం FZ1073 దుబాయ్ నుంచి టెల్ అవీవ్‌కు బయలుదేరిన సమయంలో ఈ దారుణ ఘటన చోటుచేసుకుంది. విమానం గాల్లో ఉండగా, ఒమన్ జాతీయుడిగా గుర్తించిన కో-పైలట్, కెప్టెన్ స్మిత్ మచ్ఛర్‌పై అకస్మాత్తుగా కత్తితో దాడికి పాల్పడ్డాడు. ప్రాణాపాయ స్థితిలోనూ కెప్టెన్ స్మిత్ ధైర్యంగా ప్రతిఘటించారు.
ఆయన ప్రతిఘటనతో అప్రమత్తమైన ప్రయాణికులు, ఇతర విమాన సిబ్బంది వెంటనే స్పందించి దాడి చేసిన కో-పైలట్‌ను పట్టుకుని బంధించారు. అనంతరం విమానాన్ని అత్యవసరంగా సౌదీ అరేబియాలోని తబూక్ నగరంలో సురక్షితంగా ల్యాండ్ చేశారు.
ప్రస్తుతం ఈ ఘటనపై పలు దేశాల అధికారులు దర్యాప్తు కొనసాగిస్తున్నారు. దాడికి పాల్పడిన కో-పైలట్‌కు ఇరాన్‌తో సంబంధాలు ఉన్నట్లు ఇంతవరకు అధికారికంగా ఎలాంటి ఆధారాలు లభించలేదు. అయితే, అమెరికా అధ్యక్షుడి తాజా వ్యాఖ్యలతో ఈ ఘటనపై దర్యాప్తు మరింత వేగవంతం అయ్యే అవకాశం ఉంది. అబ్రహం ఒప్పందాల్లో భాగంగా ఇజ్రాయెల్, యూఏఈ మధ్య సంబంధాలు బలపడుతున్న తరుణంలో ఈ దాడి జరగడం అనేక అనుమానాలకు తావిస్తోంది.
దుబాయ్ నుంచి టెల్ అవీవ్‌కు వెళుతున్న విమానంలో జరిగిన ఈ దాడికి, ఇరాన్‌కు మధ్య సంబంధంపై విలేకరులు ప్రశ్నించగా ట్రంప్ స్పందించారు. "నాకు అందుతున్న సమాచారాన్ని బట్టి చూస్తే, సమాధానం అవుననే చెబుతాను. కానీ మేము ప్రస్తుతం దానిపై పూర్తిస్థాయిలో పనిచేస్తున్నాం" అని ఆయన అన్నారు.
ఇరాన్‌కు చెందిన 'ఇస్లామిక్ రివల్యూషనరీ గార్డ్ కార్ప్స్' (ఐఆర్‌జీసీ) ఈ కో-పైలట్‌ను విమానంలోకి పంపించిందా? లేక మరేదైనా మార్గంలో రాడికలైజ్ చేసిందా? అని అడగ్గా, "అలా జరిగి ఉండవచ్చు, అవును" అని ట్రంప్ బదులిచ్చారు. ఒకవేళ ఈ దాడి వెనుక ఇరాన్ హస్తం ఉన్నట్లు తేలితే ఆ దేశం తీవ్ర పరిణామాలు ఎదుర్కోవాల్సి ఉంటుందని ఆయన పరోక్షంగా హెచ్చరించారు.
అది తొందరపాటు అవుతుంది: నెతన్యాహు
అయితే, ఇదే అంశంపై ఇజ్రాయెల్ ప్రధాని బెంజమిన్ నెతన్యాహును ప్రశ్నించగా, ఆయన ఆచితూచి స్పందించారు. ఇప్పుడే ఇరాన్ ప్రమేయంపై ఒక నిర్ధారణకు రావడం తొందరపాటు అవుతుందని, దర్యాప్తు పూర్తయ్యే వరకు వేచి చూడాలని అన్నారు. అయితే, దాడికి పాల్పడిన కో-పైలట్ ఇస్లామిస్ట్ రాడికలైజేషన్‌కు గురైనట్లు తమ వద్ద ఉన్న ప్రాథమిక ఆధారాలు సూచిస్తున్నాయని ఆయన తెలిపారు. కో-పైలట్ వ్యక్తిగత సమాచారాన్ని, అతని నేపథ్యాన్ని లోతుగా పరిశీలిస్తున్నామని, కొన్ని రోజుల్లో ఈ ఘటనపై మరింత స్పష్టత వచ్చే అవకాశం ఉందని నెతన్యాహు వివరించారు.
అసలేం జరిగింది?
సెప్టెంబర్ 30న ఫ్లైదుబాయ్ విమానం FZ1073 దుబాయ్ నుంచి టెల్ అవీవ్‌కు బయలుదేరిన సమయంలో ఈ దారుణ ఘటన చోటుచేసుకుంది. విమానం గాల్లో ఉండగా, ఒమన్ జాతీయుడిగా గుర్తించిన కో-పైలట్, కెప్టెన్ స్మిత్ మచ్ఛర్‌పై అకస్మాత్తుగా కత్తితో దాడికి పాల్పడ్డాడు. ప్రాణాపాయ స్థితిలోనూ కెప్టెన్ స్మిత్ ధైర్యంగా ప్రతిఘటించారు.
ఆయన ప్రతిఘటనతో అప్రమత్తమైన ప్రయాణికులు, ఇతర విమాన సిబ్బంది వెంటనే స్పందించి దాడి చేసిన కో-పైలట్‌ను పట్టుకుని బంధించారు. అనంతరం విమానాన్ని అత్యవసరంగా సౌదీ అరేబియాలోని తబూక్ నగరంలో సురక్షితంగా ల్యాండ్ చేశారు.
ప్రస్తుతం ఈ ఘటనపై పలు దేశాల అధికారులు దర్యాప్తు కొనసాగిస్తున్నారు. దాడికి పాల్పడిన కో-పైలట్‌కు ఇరాన్‌తో సంబంధాలు ఉన్నట్లు ఇంతవరకు అధికారికంగా ఎలాంటి ఆధారాలు లభించలేదు. అయితే, అమెరికా అధ్యక్షుడి తాజా వ్యాఖ్యలతో ఈ ఘటనపై దర్యాప్తు మరింత వేగవంతం అయ్యే అవకాశం ఉంది. అబ్రహం ఒప్పందాల్లో భాగంగా ఇజ్రాయెల్, యూఏఈ మధ్య సంబంధాలు బలపడుతున్న తరుణంలో ఈ దాడి జరగడం అనేక అనుమానాలకు తావిస్తోంది.
