ఓటర్ల జాబితా వివాదం.. నేడు ఇండియా కూటమి కీలక భేటీ
- సీఈసీ జ్ఞానేష్ కుమార్ రాజీనామాకు ప్రతిపక్షాల పట్టు
- సీఈసీ తొలగింపుపై పార్లమెంటులో నోటీసు ఇచ్చేందుకు వ్యూహరచన
- భేటీకి దూరంగా డీఎంకే, ఆమ్ ఆద్మీ పార్టీ
- దేశవ్యాప్త ఆందోళనలకు సిద్ధమవుతున్న విపక్షాలు
ఎన్నికల ఓటర్ల జాబితా ప్రత్యేక సవరణ (ఎస్ఐఆర్) ప్రక్రియలో అక్రమాలు జరిగాయన్న ఆరోపణలు, ప్రధాన ఎన్నికల కమిషనర్ (సీఈసీ) జ్ఞానేష్ కుమార్ రాజీనామా డిమాండ్ నేపథ్యంలో ఇండియా కూటమి నేడు ఢిల్లీలో కీలక సమావేశం నిర్వహిస్తోంది. ఉదయం 11 గంటలకు ప్రారంభం కానున్న ఈ భేటీలో కేంద్ర ప్రభుత్వం, ఎన్నికల సంఘంపై ఉమ్మడి పోరుకు సంబంధించిన భవిష్యత్ కార్యాచరణపై చర్చించనున్నారు.
ఓటర్ల జాబితా నుంచి సుమారు 13 కోట్ల పేర్లను అక్రమంగా తొలగించారని ప్రతిపక్షాలు ఆరోపిస్తున్నాయి. ఎస్ఐఆర్ ప్రక్రియపై ఎన్నికల కమిషన్లోనే అంతర్గత విభేదాలున్నాయని, ఇద్దరు కమిషనర్లు పలుమార్లు అభ్యంతరాలు తెలిపారని మీడియా కథనాలు రావడంతో ఈ వివాదం మరింత ముదిరింది. ఈ నేపథ్యంలో ఎస్ఐఆర్ ప్రక్రియను తక్షణమే నిలిపివేసి, తొలగించిన ఓటర్ల పేర్లను తిరిగి చేర్చాలని, సీఈసీ తన పదవికి రాజీనామా చేయాలని కూటమి డిమాండ్ చేస్తోంది.
ఈ సమావేశంలో కాంగ్రెస్ అధ్యక్షుడు మల్లికార్జున ఖర్గే, రాహుల్ గాంధీ, సోనియా గాంధీతో పాటు తృణమూల్ కాంగ్రెస్, ఎస్పీ, వామపక్షాలు, ఎన్సీపీ (ఎస్పీ), శివసేన (యూబీటీ) నేతలు పాల్గొంటున్నారు. సీఈసీని తొలగించేందుకు పార్లమెంటు ఉభయ సభల్లో కొత్తగా అభిశంసన నోటీసు ఇవ్వడం, దేశవ్యాప్త ఆందోళనలు చేపట్టడం వంటి అంశాలపై చర్చించి తుది నిర్ణయం తీసుకోనున్నారు.
అయితే, ఈ కీలక సమావేశానికి డీఎంకే, ఆమ్ ఆద్మీ పార్టీ (ఆప్) దూరంగా ఉంటున్నాయి. తాము ఇండియా కూటమిలో భాగం కాదని ‘ఆప్’ ఇప్పటికే స్పష్టం చేయగా, తమిళనాడులో కాంగ్రెస్తో ఉన్న విభేదాల కారణంగా డీఎంకే హాజరుకావడం లేదు. సమాజ్వాదీ పార్టీ అధినేత అఖిలేష్ యాదవ్ కూడా వ్యక్తిగతంగా హాజరుకాకుండా తన ప్రతినిధులను పంపుతున్నారు. నిన్న జరిగిన కాంగ్రెస్ వర్కింగ్ కమిటీ సమావేశంలో సీఈసీని "ప్రభుత్వ కీలుబొమ్మ"గా అభివర్ణించిన కాంగ్రెస్.. ప్రధాని, హోంమంత్రి రాజీనామా చేయాలని కూడా తీర్మానించింది.
ఓటర్ల జాబితా నుంచి సుమారు 13 కోట్ల పేర్లను అక్రమంగా తొలగించారని ప్రతిపక్షాలు ఆరోపిస్తున్నాయి. ఎస్ఐఆర్ ప్రక్రియపై ఎన్నికల కమిషన్లోనే అంతర్గత విభేదాలున్నాయని, ఇద్దరు కమిషనర్లు పలుమార్లు అభ్యంతరాలు తెలిపారని మీడియా కథనాలు రావడంతో ఈ వివాదం మరింత ముదిరింది. ఈ నేపథ్యంలో ఎస్ఐఆర్ ప్రక్రియను తక్షణమే నిలిపివేసి, తొలగించిన ఓటర్ల పేర్లను తిరిగి చేర్చాలని, సీఈసీ తన పదవికి రాజీనామా చేయాలని కూటమి డిమాండ్ చేస్తోంది.
ఈ సమావేశంలో కాంగ్రెస్ అధ్యక్షుడు మల్లికార్జున ఖర్గే, రాహుల్ గాంధీ, సోనియా గాంధీతో పాటు తృణమూల్ కాంగ్రెస్, ఎస్పీ, వామపక్షాలు, ఎన్సీపీ (ఎస్పీ), శివసేన (యూబీటీ) నేతలు పాల్గొంటున్నారు. సీఈసీని తొలగించేందుకు పార్లమెంటు ఉభయ సభల్లో కొత్తగా అభిశంసన నోటీసు ఇవ్వడం, దేశవ్యాప్త ఆందోళనలు చేపట్టడం వంటి అంశాలపై చర్చించి తుది నిర్ణయం తీసుకోనున్నారు.
అయితే, ఈ కీలక సమావేశానికి డీఎంకే, ఆమ్ ఆద్మీ పార్టీ (ఆప్) దూరంగా ఉంటున్నాయి. తాము ఇండియా కూటమిలో భాగం కాదని ‘ఆప్’ ఇప్పటికే స్పష్టం చేయగా, తమిళనాడులో కాంగ్రెస్తో ఉన్న విభేదాల కారణంగా డీఎంకే హాజరుకావడం లేదు. సమాజ్వాదీ పార్టీ అధినేత అఖిలేష్ యాదవ్ కూడా వ్యక్తిగతంగా హాజరుకాకుండా తన ప్రతినిధులను పంపుతున్నారు. నిన్న జరిగిన కాంగ్రెస్ వర్కింగ్ కమిటీ సమావేశంలో సీఈసీని "ప్రభుత్వ కీలుబొమ్మ"గా అభివర్ణించిన కాంగ్రెస్.. ప్రధాని, హోంమంత్రి రాజీనామా చేయాలని కూడా తీర్మానించింది.
