గణాంకాల కోసం ఆడితే ఎక్కువ కాలం కొన‌సాగ‌లేం: కోహ్లీ
Advertisement

గణాంకాల కోసం ఆడితే ఎక్కువ కాలం కొన‌సాగ‌లేం: కోహ్లీ

Virat Kohli says playing for statistics wont sustain a long career
  • వన్డేల్లో 15,000 పరుగుల మైలురాయిని అందుకున్న కోహ్లీ
  • సచిన్ తర్వాత ఈ ఘనత సాధించిన రెండో ఆటగాడు
  • రికార్డుల కోసం కాకుండా జట్టు గెలుపు కోసమే ఆడతానని స్పష్టీకరణ
టీమిండియా స్టార్ బ్యాటర్ విరాట్ కోహ్లీ వన్డే క్రికెట్‌లో మరో చారిత్రాత్మక మైలురాయిని అందుకోవడం తెలిసిందే. వన్డే ఫార్మాట్‌లో 15,000 పరుగులు పూర్తి చేసుకున్న రెండో ఆటగాడిగా, క్రికెట్ దిగ్గజం సచిన్ టెండూల్కర్ సరసన నిలిచాడు. అయితే, తన సుదీర్ఘ కెరీర్‌కు, నిలకడైన ప్రదర్శనకు కారణం రికార్డులు కాదని, జట్టును గెలిపించాలనే తపన మాత్రమేనని కోహ్లీ స్పష్టం చేశాడు.

తాజాగా బీసీసీఐ.టీవీతో మాట్లాడిన కోహ్లీ తన విజయ రహస్యాన్ని పంచుకున్నాడు. "సంఖ్యల పరంగా చూస్తే ఇది చాలా పెద్ద మైలురాయి. కానీ, నా లక్ష్యం చాలా స్పష్టమైనది. కష్టమైన పరిస్థితుల్లో, విభిన్న సవాళ్లను ఎదుర్కొని జట్టును గెలిపించేందుకే నా ప్రయత్నం. ఇన్నేళ్లుగా నేను అదే చేస్తున్నాను" అని వివరించాడు.

కేవలం గణాంకాల కోసం ఆడితే ఏ ఆటగాడూ ఎక్కువ కాలం కెరీర్‌లో కొనసాగలేడని 37 ఏళ్ల కోహ్లీ అభిప్రాయపడ్డాడు. "మీరు జట్టును గెలిపించాలని చూస్తేనే ఇంతకాలం ఆడగలరు. కేవలం గణాంకాల కోసమే అయితే ఎక్కువ కాలం ఆడలేరు. ఎందుకంటే, గణాంకాలపై దృష్టి పెడితే ప్రధాన లక్ష్యం దెబ్బతింటుంది. ఆ పద్ధతిలో ఎక్కువ కాలం కొనసాగడం అసాధ్యం. ఇంతకాలం ఈ స్థాయిలో ఆడటం నా అదృష్టం. జట్టు విజయం సాధించే క్రమంలో ఇలాంటి మైలురాయిని అందుకోవడం చాలా ప్రత్యేకం" అని పేర్కొన్నాడు.

కాగా, కోహ్లీని ఎంతో ఆరాధించే భారత కెప్టెన్ శుభ్‌మన్ గిల్, ఈ చారిత్రాత్మక క్షణంలో అతనితో కలిసి ఉండటంపై ఆనందం వ్యక్తం చేశాడు.
Advertisement
Virat Kohli
15000 ODI runs
Sachin Tendulkar
Team India
Cricket milestones
Shubman Gill

More Telugu News