ఆయన జ్ఞాపకాలు మదిలో నిలిచి ఉంటాయి: శివప్రసాద్‌పై చంద్రబాబు

తెలుగుదేశం పార్టీ సీనియర్ నేత, దివంగత మాజీ ఎంపీ నరమల్లి శివప్రసాద్ వర్ధంతి సందర్భంగా ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆయనకు ఘన నివాళులు అర్పించారు. తన చిన్ననాటి మిత్రుడిని స్మరించుకుంటూ చంద్రబాబు 'ఎక్స్' వేదికగా ఒక సందేశాన్ని పంచుకున్నారు.

శివప్రసాద్ కేవలం రాజకీయ నాయకుడిగానే కాకుండా, మంత్రిగా, ఎంపీగా ప్రజలకు విశేష సేవలు అందించారని చంద్రబాబు కొనియాడారు. ప్రజాసేవతో పాటు సినిమా, నాటక రంగాల్లో నటుడిగా, దర్శకుడిగా ఆయన తనదైన ముద్ర వేశారని గుర్తుచేసుకున్నారు.

"ప్రజాసేవకు అంకితమైన మిత్రుడు శివప్రసాద్ జ్ఞాపకాలు ఎప్పటికీ నా మదిలో నిలిచి ఉంటాయి" అని చంద్రబాబు పేర్కొన్నారు. సమాజం కోసం శివప్రసాద్ అందించిన సేవలు చిరస్మరణీయమని ముఖ్యమంత్రి తన సందేశంలో వెల్లడించారు.