భారతీయులమైనా ఈ 4 రాష్ట్రాలకు వెళ్లాలంటే ప్రత్యేక అనుమతి తప్పనిసరి!
- నాలుగు ఈశాన్య రాష్ట్రాల్లో ఐఎల్పీ తప్పనిసరి
- అరుణాచల్, నాగాలాండ్, మిజోరం, మణిపూర్లో అమలు
- రాష్ట్రానికోలా పర్మిట్ నిబంధనలు
- పర్యాటకులకు ఆన్లైన్ దరఖాస్తు సదుపాయం
- బ్రిటిష్ కాలం నుంచి కొనసాగుతున్న ఐఎల్పీ నిబంధన
- స్థానికుల భూమి, సంస్కృతి రక్షణే ప్రధాన ఉద్దేశం
భారత్లో ఎక్కడికైనా వెళ్లాలంటే భారతీయ పౌరుడికి ప్రత్యేక అనుమతి అవసరం ఉండదు. కానీ దేశంలోనే కొన్ని ప్రాంతాలకు వెళ్లాలంటే మాత్రం అదనంగా ఓ పర్మిట్ తీసుకోవాలి. పర్యాటకుల్ని ఆకర్షించే ఈశాన్య భారతంలోని అరుణాచల్ప్రదేశ్, నాగాలాండ్, మిజోరం, మణిపూర్ రాష్ట్రాలకు ఇతర రాష్ట్రాల నుంచి వెళ్లే భారతీయులు ‘ఇన్నర్ లైన్ పర్మిట్’ (ఐఎల్పీ) తీసుకోవాల్సి ఉంటుంది.
అసలు ఈ పర్మిట్ ఎందుకు?
ఐఎల్పీ నిబంధనకు బ్రిటిష్ పాలన నాటి చరిత్ర ఉంది. 1873లో బ్రిటిష్ ప్రభుత్వం ‘బెంగాల్ ఈస్టర్న్ ఫ్రాంటియర్ రెగ్యులేషన్’ తీసుకొచ్చింది. గిరిజన ప్రాంతాల్లోకి బయటి వ్యక్తుల రాకపోకలను నియంత్రించేందుకు ‘ఇన్నర్ లైన్’ విధానాన్ని అమలు చేసింది. స్వాతంత్య్రం తర్వాత కూడా ఈ విధానం కొనసాగింది. ప్రస్తుతం స్థానిక గిరిజనుల భూములు, సంస్కృతి, సంప్రదాయాలు, జీవన విధానాన్ని పరిరక్షించడంతో పాటు బయటి వ్యక్తుల రాకపోకలను నియంత్రించేందుకు దీన్ని అమలు చేస్తున్నారు.
నాలుగు రాష్ట్రాల్లో నిబంధనలు వేర్వేరు
అరుణాచల్ప్రదేశ్లో ఇతర రాష్ట్రాల భారతీయ పర్యాటకులకు ఐఎల్పీ తప్పనిసరి. పర్యాటక ఈ-ఐఎల్పీ ద్వారా గరిష్ఠంగా 14 రోజుల వరకు అనుమతి లభిస్తుంది. నాగాలాండ్లో దేశీయ పర్యాటకులకు 30 రోజుల ఐఎల్పీ కోసం ప్రస్తుతం రూ.200 రుసుము ఉంది. ఆన్లైన్లో దరఖాస్తు చేసుకోవచ్చు.
మిజోరంలో తాత్కాలిక ఐఎల్పీ సాధారణంగా 15 రోజులు చెల్లుతుంది. మరో 15 రోజులు పొడిగించుకోవచ్చు. మణిపూర్లో 2019 డిసెంబరు నుంచి ఐఎల్పీ అమల్లో ఉంది. తాత్కాలిక పర్మిట్ గరిష్ఠంగా 30 రోజుల వరకు చెల్లుతుంది. ప్రస్తుతం రుసుము రూ.100గా ఉంది.
దరఖాస్తుకు ఏం కావాలి?
రాష్ట్రాన్ని బట్టి నిబంధనలు మారుతాయి. సాధారణంగా ప్రభుత్వ గుర్తింపు కార్డు, ఫొటో, ప్రయాణ వివరాలు, అవసరమైతే స్థానిక సంప్రదింపు వివరాలు సిద్ధంగా ఉంచుకోవాలి. పర్యటనకు ముందు సంబంధిత రాష్ట్ర అధికారిక పోర్టల్లో తాజా నిబంధనలు, రుసుములు పరిశీలించడం మంచిది.
పర్యాటకులకు నిషేధం కాదు
ఐఎల్పీ అంటే ఆ రాష్ట్రాలకు పర్యాటకులు వెళ్లకూడదని కాదు. బయటి రాష్ట్రాల భారతీయులు ప్రవేశించేందుకు ముందస్తు అనుమతి తీసుకోవాలన్న నిబంధన మాత్రమే. పర్యాటకుల కోసం కొన్ని రాష్ట్రాలు ఆన్లైన్లోనే దరఖాస్తు చేసుకునే సదుపాయం కల్పిస్తున్నాయి.
అసలు ఈ పర్మిట్ ఎందుకు?
ఐఎల్పీ నిబంధనకు బ్రిటిష్ పాలన నాటి చరిత్ర ఉంది. 1873లో బ్రిటిష్ ప్రభుత్వం ‘బెంగాల్ ఈస్టర్న్ ఫ్రాంటియర్ రెగ్యులేషన్’ తీసుకొచ్చింది. గిరిజన ప్రాంతాల్లోకి బయటి వ్యక్తుల రాకపోకలను నియంత్రించేందుకు ‘ఇన్నర్ లైన్’ విధానాన్ని అమలు చేసింది. స్వాతంత్య్రం తర్వాత కూడా ఈ విధానం కొనసాగింది. ప్రస్తుతం స్థానిక గిరిజనుల భూములు, సంస్కృతి, సంప్రదాయాలు, జీవన విధానాన్ని పరిరక్షించడంతో పాటు బయటి వ్యక్తుల రాకపోకలను నియంత్రించేందుకు దీన్ని అమలు చేస్తున్నారు.
నాలుగు రాష్ట్రాల్లో నిబంధనలు వేర్వేరు
అరుణాచల్ప్రదేశ్లో ఇతర రాష్ట్రాల భారతీయ పర్యాటకులకు ఐఎల్పీ తప్పనిసరి. పర్యాటక ఈ-ఐఎల్పీ ద్వారా గరిష్ఠంగా 14 రోజుల వరకు అనుమతి లభిస్తుంది. నాగాలాండ్లో దేశీయ పర్యాటకులకు 30 రోజుల ఐఎల్పీ కోసం ప్రస్తుతం రూ.200 రుసుము ఉంది. ఆన్లైన్లో దరఖాస్తు చేసుకోవచ్చు.
మిజోరంలో తాత్కాలిక ఐఎల్పీ సాధారణంగా 15 రోజులు చెల్లుతుంది. మరో 15 రోజులు పొడిగించుకోవచ్చు. మణిపూర్లో 2019 డిసెంబరు నుంచి ఐఎల్పీ అమల్లో ఉంది. తాత్కాలిక పర్మిట్ గరిష్ఠంగా 30 రోజుల వరకు చెల్లుతుంది. ప్రస్తుతం రుసుము రూ.100గా ఉంది.
దరఖాస్తుకు ఏం కావాలి?
రాష్ట్రాన్ని బట్టి నిబంధనలు మారుతాయి. సాధారణంగా ప్రభుత్వ గుర్తింపు కార్డు, ఫొటో, ప్రయాణ వివరాలు, అవసరమైతే స్థానిక సంప్రదింపు వివరాలు సిద్ధంగా ఉంచుకోవాలి. పర్యటనకు ముందు సంబంధిత రాష్ట్ర అధికారిక పోర్టల్లో తాజా నిబంధనలు, రుసుములు పరిశీలించడం మంచిది.
పర్యాటకులకు నిషేధం కాదు
ఐఎల్పీ అంటే ఆ రాష్ట్రాలకు పర్యాటకులు వెళ్లకూడదని కాదు. బయటి రాష్ట్రాల భారతీయులు ప్రవేశించేందుకు ముందస్తు అనుమతి తీసుకోవాలన్న నిబంధన మాత్రమే. పర్యాటకుల కోసం కొన్ని రాష్ట్రాలు ఆన్లైన్లోనే దరఖాస్తు చేసుకునే సదుపాయం కల్పిస్తున్నాయి.
