- ఫ్రాన్స్‌ కార్మిక శాఖ చర్యలు
- టైమ్‌-ట్రాకింగ్‌ వ్యవస్థపై అభ్యంతరాలు
- పని గంటల రికార్డుల్లో లోపాల గుర్తింపు
- స్థానిక కార్మిక చట్టాల ఉల్లంఘనగా నిర్ధారణ
- ప్రభావం పెద్దగా ఉండదన్న ఇన్ఫోసిస్‌
భారత ఐటీ దిగ్గజం ఇన్ఫోసిస్‌కు ఫ్రాన్స్‌లో భారీ జరిమానా పడింది. ఉద్యోగుల పని గంటలను నమోదు చేసే వ్యవస్థ స్థానిక కార్మిక చట్టాలకు అనుగుణంగా లేదని గుర్తించిన ఫ్రెంచ్‌ కార్మిక శాఖ చర్యలు చేపట్టింది. ఈ మేరకు సుమారు 1.75 లక్షల యూరోల (దాదాపు రూ.2 కోట్లు) జరిమానా విధించింది. ఈ విషయాన్ని ఇన్ఫోసిస్‌ స్టాక్‌ ఎక్స్ఛేంజ్‌కు ఇచ్చిన సమాచారం ద్వారా వెల్లడించింది.
ఫ్రాన్స్‌లో ఉద్యోగుల పని గంటలు, అదనపు పని సమయం, తప్పనిసరి విశ్రాంతి సమయాలను కచ్చితంగా నమోదు చేయాల్సి ఉంటుంది. అలాగే ఆ రికార్డులు విశ్వసనీయంగా ఉండటంతో పాటు అవసరమైనప్పుడు పరిశీలించగలిగేలా ఉండాలని అక్కడి చట్టాలు చెబుతున్నాయి. అయితే ఇన్ఫోసిస్‌ ఉపయోగిస్తున్న టైమ్‌-ట్రాకింగ్‌ వ్యవస్థ ఈ ప్రమాణాలను పూర్తిగా పాటించలేదని ఫ్రెంచ్‌ కార్మిక శాఖ తేల్చింది. ముఖ్యంగా రికార్డుల విశ్వసనీయత, ఆడిట్‌కు అనువుగా ఉండటం, కొంతమంది ఉద్యోగుల పని గంటల పర్యవేక్షణలో లోపాలు ఉన్నట్లు గుర్తించింది.
ఈ జరిమానా వల్ల కంపెనీ ఆర్థిక పరిస్థితి లేదా వ్యాపార కార్యకలాపాలపై పెద్దగా ప్రభావం ఉండదని ఇన్ఫోసిస్‌ స్పష్టం చేసింది. అధికారుల నుంచి వచ్చిన సమాచారాన్ని పరిశీలిస్తున్నామని, తదుపరి చర్యలపై నిర్ణయం తీసుకుంటామని తెలిపింది.
ఫ్రాన్స్‌లో ఉద్యోగుల పని గంటలు, అదనపు పని సమయం, తప్పనిసరి విశ్రాంతి సమయాలను కచ్చితంగా నమోదు చేయాల్సి ఉంటుంది. అలాగే ఆ రికార్డులు విశ్వసనీయంగా ఉండటంతో పాటు అవసరమైనప్పుడు పరిశీలించగలిగేలా ఉండాలని అక్కడి చట్టాలు చెబుతున్నాయి. అయితే ఇన్ఫోసిస్‌ ఉపయోగిస్తున్న టైమ్‌-ట్రాకింగ్‌ వ్యవస్థ ఈ ప్రమాణాలను పూర్తిగా పాటించలేదని ఫ్రెంచ్‌ కార్మిక శాఖ తేల్చింది. ముఖ్యంగా రికార్డుల విశ్వసనీయత, ఆడిట్‌కు అనువుగా ఉండటం, కొంతమంది ఉద్యోగుల పని గంటల పర్యవేక్షణలో లోపాలు ఉన్నట్లు గుర్తించింది.
ఈ జరిమానా వల్ల కంపెనీ ఆర్థిక పరిస్థితి లేదా వ్యాపార కార్యకలాపాలపై పెద్దగా ప్రభావం ఉండదని ఇన్ఫోసిస్‌ స్పష్టం చేసింది. అధికారుల నుంచి వచ్చిన సమాచారాన్ని పరిశీలిస్తున్నామని, తదుపరి చర్యలపై నిర్ణయం తీసుకుంటామని తెలిపింది.
