కల్యాణ్ రామ్ బర్త్డే ట్రీట్.. ‘వెంకీ-అనిల్ రావిపూడి’ మూవీ నుంచి ఫస్ట్లుక్ విడుదల!
- కల్యాణ్ రామ్ పుట్టినరోజు సందర్భంగా కొత్త సినిమా పోస్టర్ విడుదల
- వెంకటేశ్, కల్యాణ్ రామ్ మల్టీస్టారర్ నుంచి ఫస్ట్ లుక్
- సంప్రదాయ గెటప్లో ఆకట్టుకుంటున్న నందమూరి హీరో
- తన మొదటి హీరో కల్యాణ్ రామ్ అంటూ దర్శకుడి భావోద్వేగ పోస్ట్
ఈ సందర్భంగా దర్శకుడు అనిల్ రావిపూడి సోషల్ మీడియా వేదికగా కల్యాణ్ రామ్కు శుభాకాంక్షలు తెలుపుతూ ఓ భావోద్వేగ పోస్ట్ చేశారు. "నా మొదటి సినిమా 'పటాస్'కు అవకాశం ఇచ్చి, ఒక కొత్త దర్శకుడిని నమ్మిన నా మొదటి హీరో, నా బెస్ట్ బడ్డీ కల్యాణ్ రామ్కు థ్యాంక్స్. ఈ సినిమాలో ఆయన్ను కొత్త అవతారంలో చూపించబోతున్నందుకు ఎగ్జైటింగ్గా ఉంది" అని పేర్కొన్నారు.
అంతేగాక ఈ క్రేజీ ప్రాజెక్ట్ను 2027 సంక్రాంతి పండుగకు థియేటర్లలోకి తీసుకురానున్నట్లు అనిల్ రావిపూడి అధికారికంగా ప్రకటించారు. 'పటాస్' వంటి బ్లాక్బస్టర్ తర్వాత వీరిద్దరి కాంబినేషన్లో వస్తున్న సినిమా కావడం, దీనికి విక్టరీ వెంకటేశ్ కూడా తోడవడంతో సినిమాపై అంచనాలు భారీగా ఉన్నాయి. షైన్ స్క్రీన్స్, సురేష్ ప్రొడక్షన్స్, జీ స్టూడియోస్ సంయుక్తంగా నిర్మిస్తున్న ఈ చిత్రంలో కీర్తి సురేశ్, కృతి శెట్టి కీలక పాత్రలు పోషిస్తుండగా, జి.వి. ప్రకాశ్ కుమార్ సంగీతం అందిస్తున్నారు.
