ఇజ్రాయెల్ను అదుపులో పెట్టండి.. అమెరికాకు ఇరాన్ ఘాటు హెచ్చరిక
- ఇజ్రాయెల్ను అదుపులో ఉంచుకోవాలని అమెరికాకు ఇరాన్ హెచ్చరిక
- ఇజ్రాయెల్ మంత్రి వ్యాఖ్యలపై తీవ్రంగా స్పందించిన ఇరాన్ విదేశాంగ మంత్రి
- దోహా వేదికగా ఇరు దేశాల మధ్య కొనసాగుతున్న పరోక్ష చర్చలు
ఇజ్రాయెల్ రక్షణ మంత్రి కాట్జ్ చేసిన వ్యాఖ్యలపై ఇరాన్ విదేశాంగ మంత్రి సయ్యద్ అబ్బాస్ అరాఘ్చి తీవ్రంగా స్పందించారు. ఇరాన్ సుప్రీం లీడర్కు మరణశిక్ష విధించాలన్న కాట్జ్ వ్యాఖ్యలను ఆయన ఖండించారు. ఈ ప్రాంతంలో ఘర్షణలను నివారించేందుకు కుదిరిన 14 పాయింట్ల అవగాహన ఒప్పందం ప్రకారం, ఇజ్రాయెల్ను అదుపులో ఉంచాల్సిన బాధ్యత అమెరికాపై ఉందని అరాఘ్చి గుర్తుచేశారు. అవసరమైతే ఇజ్రాయెల్కు తగిన గుణపాఠం చెబుతామని ఆయన సోషల్ మీడియా వేదికగా హెచ్చరించారు.
ఈ హెచ్చరికల నేపథ్యంలో, అమెరికా-ఇరాన్ మధ్య ఖతార్ రాజధాని దోహాలో పరోక్ష దౌత్య చర్చలు కొనసాగుతున్నట్లు తెలుస్తోంది. ఖతార్, పాకిస్థాన్ ఈ చర్చల్లో మధ్యవర్తిత్వం వహిస్తున్నాయి. అమెరికా ప్రతినిధులు నేరుగా పాల్గొననప్పటికీ, ప్రాథమిక అంశాలపై ఖతార్ ప్రధానితో చర్చలు జరిపినట్లు సమాచారం.
