ఢిల్లీ వీధుల్లో చిక్కుకుపోయిన అమెరికా యువతి.. అపరిచితుడు చేసిన పని ఇప్పుడు నెట్టింట సంచలనం!
- ఢిల్లీలో విదేశీ పర్యాటకురాలికి ఇబ్బంది
- మొబైల్ ఫోన్ పూర్తిగా డెడ్
- ఆదుకున్న స్థానిక అపరిచిత వ్యక్తి
- చాయ్ ఇచ్చి రక్షణగా నిలిచిన వైనం
- భారతీయ ఆతిథ్యంపై నెటిజన్ల ప్రశంసలు
ఆ సమయంలో ఆమె అవస్థను గమనించిన ఒక స్థానిక వ్యక్తి (ఆమె ప్రేమగా 'అంకుల్ జీ' అని పిలుచుకుంది) చొరవ తీసుకుని సాయం చేయడానికి ముందుకు వచ్చాడు. కేవలం ఆమె ఫోన్ ఛార్జింగ్ పెట్టుకోవడానికి మాత్రమే సాయం చేయకుండా, ఆమెను ఎంతో ఆదరంగా తన ప్రదేశంలోకి ఆహ్వానించాడు. కంగారుపడుతున్న ఆమెకు చాయ్, చల్లని మజ్జిగ ఇచ్చి సేదదీర్చాడు. అంతటితో ఆగకుండా తన వద్ద ఉన్న ఆవులను, మొక్కలను చూపించి, ఆపై అక్కడి స్థానిక ఆలయానికి కూడా తీసుకువెళ్లాడు. ఆమె ఫోన్ ఆన్ అయ్యేంతవరకు ఆమెకు పూర్తి రక్షణగా, తోడుగా నిలిచాడు.
వైరల్గా మారిన 'అతిథి దేవోభవ' వీడియో
తనకు ఎదురైన ఈ అద్భుత అనుభవాన్ని సియెర్రా తన ఇన్స్టాగ్రామ్ వీడియో ద్వారా నెటిజన్లతో పంచుకుంది. నిస్వార్థంతో కూడిన ఆ వ్యక్తి ఆతిథ్యం భారతదేశ ఫిలాసఫీ అయిన 'అతిథి దేవోభవ' (అతిథే దేవుడు) అనే మాటకు నిలువెత్తు నిదర్శనమని కొనియాడింది. తాను భారతదేశంలో పర్యటించినప్పటి నుంచి ఇక్కడి ప్రజల నుంచి ఇలాంటి ఎంతో ఆత్మీయతను, ఆదరణను పొందానని ఆనందం వ్యక్తం చేసింది. సదరు అంకుల్ జీ చూపించిన ఉదారతను, దేశం గర్వించేలా ఆయన ప్రవర్తించిన తీరును నెటిజన్లు వేనోళ్ల పొగుడుతున్నారు.
