Padi Kaushik Reddy: పోలీసులకు "సారీ" చెప్పిన పాడి కౌశిక్ రెడ్డి... వీడియో ఇదిగో!
కరీంనగర్ జిల్లా వీణవంక సమ్మక్క-సారలమ్మ మినీ జాతర సందర్భంగా పోలీసులపై తాను చేసిన వివాదాస్పద వ్యాఖ్యలపై బీఆర్ఎస్ ఎమ్మెల్యే పాడి కౌశిక్ రెడ్డి క్షమాపణలు చెప్పారు. ఆవేశంలో నోరు జారానని, ఉద్దేశపూర్వకంగా అనలేదని ఆయన స్పష్టం చేశారు. పోలీసుల మనోభావాలు దెబ్బతిని ఉంటే క్షమించాలని కోరుతూ, ఈ వివాదాన్ని ఇంతటితో ముగించాలని విజ్ఞప్తి చేశారు.
గురువారం రాత్రి వీణవంక జాతరలో దళిత మహిళా సర్పంచ్ను కొబ్బరికాయ కొట్టనివ్వలేదని ఆరోపిస్తూ కౌశిక్ రెడ్డి కుటుంబంతో కలిసి నిరసనకు దిగారు. ఈ క్రమంలో పోలీసులతో వాగ్వాదం జరిగి తోపులాట చోటుచేసుకుంది. ఆ సమయంలో కౌశిక్ రెడ్డి పోలీసులపై తీవ్ర వ్యాఖ్యలు చేశారు.
కరీంనగర్ సీపీ గౌస్ ఆలంను ఉద్దేశించి మాట్లాడుతూ, తమ ప్రభుత్వం వచ్చినప్పుడు అంతు చూస్తామని హెచ్చరించారు. ఈ ఘటన తర్వాత పోలీసులు ఆయనను అదుపులోకి తీసుకుని, పలు సెక్షన్ల కింద కేసు నమోదు చేశారు. ఐపీఎస్ అధికారుల సంఘం కూడా ఈ వ్యాఖ్యలను తీవ్రంగా ఖండించింది.
ఈ నేపథ్యంలో కౌశిక్ రెడ్డి ఒక వీడియో సందేశం విడుదల చేశారు. "సీఎం ప్రోద్బలంతో నాపై, నా కుటుంబంపై రాజకీయ కక్ష సాధిస్తున్నారు. పోలీసులు, అధికారులంటే నాకు ఎంతో గౌరవం. జాతరకు వెళుతుండగా అడ్డుకుని తీవ్ర ఒత్తిడికి గురిచేశారు. ఆ ఫ్రస్టేషన్లో నోరు జారింది. నా వ్యాఖ్యల వల్ల ఎవరి మనోభావాలైనా దెబ్బతింటే క్షమించాలి" అని ఆయన పేర్కొన్నారు. ఈ ఘటన తెలంగాణ రాజకీయ వర్గాల్లో చర్చనీయాంశంగా మారింది.
గురువారం రాత్రి వీణవంక జాతరలో దళిత మహిళా సర్పంచ్ను కొబ్బరికాయ కొట్టనివ్వలేదని ఆరోపిస్తూ కౌశిక్ రెడ్డి కుటుంబంతో కలిసి నిరసనకు దిగారు. ఈ క్రమంలో పోలీసులతో వాగ్వాదం జరిగి తోపులాట చోటుచేసుకుంది. ఆ సమయంలో కౌశిక్ రెడ్డి పోలీసులపై తీవ్ర వ్యాఖ్యలు చేశారు.
కరీంనగర్ సీపీ గౌస్ ఆలంను ఉద్దేశించి మాట్లాడుతూ, తమ ప్రభుత్వం వచ్చినప్పుడు అంతు చూస్తామని హెచ్చరించారు. ఈ ఘటన తర్వాత పోలీసులు ఆయనను అదుపులోకి తీసుకుని, పలు సెక్షన్ల కింద కేసు నమోదు చేశారు. ఐపీఎస్ అధికారుల సంఘం కూడా ఈ వ్యాఖ్యలను తీవ్రంగా ఖండించింది.
ఈ నేపథ్యంలో కౌశిక్ రెడ్డి ఒక వీడియో సందేశం విడుదల చేశారు. "సీఎం ప్రోద్బలంతో నాపై, నా కుటుంబంపై రాజకీయ కక్ష సాధిస్తున్నారు. పోలీసులు, అధికారులంటే నాకు ఎంతో గౌరవం. జాతరకు వెళుతుండగా అడ్డుకుని తీవ్ర ఒత్తిడికి గురిచేశారు. ఆ ఫ్రస్టేషన్లో నోరు జారింది. నా వ్యాఖ్యల వల్ల ఎవరి మనోభావాలైనా దెబ్బతింటే క్షమించాలి" అని ఆయన పేర్కొన్నారు. ఈ ఘటన తెలంగాణ రాజకీయ వర్గాల్లో చర్చనీయాంశంగా మారింది.
