Mohammed Malik: టీమిండియా అండర్-19 జట్టులోకి హైదరాబాద్ యువ పేసర్
హైదరాబాద్కు చెందిన యువ ఫాస్ట్ బౌలర్ మహమ్మద్ మాలిక్ జాతీయ జూనియర్ జట్టులో అవకాశం దక్కించుకున్నాడు. తన అద్భుతమైన ప్రతిభతో బీసీసీఐ సెలెక్టర్ల దృష్టిని ఆకర్షించిన ఈ యువ కెరటం, భారత అండర్-19 'ఏ' జట్టులో చోటు సంపాదించాడు. నగరంలోని నాంపల్లి మల్లెపల్లి ప్రాంతానికి చెందిన మాలిక్, ఇటీవలే ముగిసిన వినూ మన్కడ్ ట్రోఫీలో అద్భుత ప్రదర్శనతో అందరినీ ఆకట్టుకున్నాడు.
వినూ మన్కడ్ ట్రోఫీలో నిలకడగా రాణించిన మహమ్మద్ మాలిక్, టోర్నమెంట్లోనే అత్యధిక వికెట్లు పడగొట్టిన బౌలర్గా నిలిచాడు. అతని పదునైన బౌలింగ్, కీలక సమయాల్లో వికెట్లు తీసే నైపుణ్యం సెలెక్టర్లను మెప్పించింది. ఈ ప్రదర్శన ఆధారంగా అతడిని అండర్-19 'ఏ' జట్టుకు ఎంపిక చేశారు. ఈనెల 17 నుంచి బెంగళూరులో ఇండియా అండర్-19 'బి', ఆఫ్ఘనిస్థాన్ జట్లతో జరగనున్న ట్రై సిరీస్లో మాలిక్ ఇండియా అండర్-19 'ఏ' తరఫున బరిలోకి దిగనున్నాడు.
భారత జట్టుకు ఎంపిక కావడంపై మాలిక్ ఆనందం వ్యక్తం చేశాడు. ఇది తనకు దక్కిన గొప్ప గౌరవమని, భవిష్యత్తులో భారత సీనియర్ జట్టుకు ప్రాతినిధ్యం వహించడమే తన అంతిమ లక్ష్యమని స్పష్టం చేశాడు. మాలిక్ ఎంపికతో హైదరాబాద్ క్రికెట్ వర్గాల్లో హర్షాతిరేకాలు వ్యక్తమవుతున్నాయి. స్థానిక కోచ్లు, స్నేహితులు అతడికి అభినందనలు తెలుపుతున్నారు. హైదరాబాద్ నుంచి మరో ప్రతిభావంతుడు త్వరలోనే జాతీయ జట్టులో స్థానం సంపాదిస్తాడని వారు ధీమా వ్యక్తం చేస్తున్నారు.
వినూ మన్కడ్ ట్రోఫీలో నిలకడగా రాణించిన మహమ్మద్ మాలిక్, టోర్నమెంట్లోనే అత్యధిక వికెట్లు పడగొట్టిన బౌలర్గా నిలిచాడు. అతని పదునైన బౌలింగ్, కీలక సమయాల్లో వికెట్లు తీసే నైపుణ్యం సెలెక్టర్లను మెప్పించింది. ఈ ప్రదర్శన ఆధారంగా అతడిని అండర్-19 'ఏ' జట్టుకు ఎంపిక చేశారు. ఈనెల 17 నుంచి బెంగళూరులో ఇండియా అండర్-19 'బి', ఆఫ్ఘనిస్థాన్ జట్లతో జరగనున్న ట్రై సిరీస్లో మాలిక్ ఇండియా అండర్-19 'ఏ' తరఫున బరిలోకి దిగనున్నాడు.
భారత జట్టుకు ఎంపిక కావడంపై మాలిక్ ఆనందం వ్యక్తం చేశాడు. ఇది తనకు దక్కిన గొప్ప గౌరవమని, భవిష్యత్తులో భారత సీనియర్ జట్టుకు ప్రాతినిధ్యం వహించడమే తన అంతిమ లక్ష్యమని స్పష్టం చేశాడు. మాలిక్ ఎంపికతో హైదరాబాద్ క్రికెట్ వర్గాల్లో హర్షాతిరేకాలు వ్యక్తమవుతున్నాయి. స్థానిక కోచ్లు, స్నేహితులు అతడికి అభినందనలు తెలుపుతున్నారు. హైదరాబాద్ నుంచి మరో ప్రతిభావంతుడు త్వరలోనే జాతీయ జట్టులో స్థానం సంపాదిస్తాడని వారు ధీమా వ్యక్తం చేస్తున్నారు.
