Jaipur: ఐదేళ్ల నరకం.. కడుపు నొప్పని ఆస్పత్రికి వెళ్తే.. బయటపడ్డ తండ్రి పైశాచికత్వం!
సమాజం తలదించుకునే దారుణ ఘటన రాజస్థాన్లోని జైపూర్లో వెలుగుచూసింది. కంటికి రెప్పలా కాపాడాల్సిన కన్న తండ్రే కామాంధుడిగా మారి, తన ఇద్దరు మైనర్ కుమార్తెలపై సుమారు ఐదేళ్లుగా అత్యాచారానికి పాల్పడ్డాడు. ఈ ఘోరం బయటపడటంతో పోలీసులు నిందితుడిని గురువారం అరెస్ట్ చేసి జైలుకు పంపారు.
కడుపు నొప్పి చెప్పిన నిజం
ఈ నెల 20న ఓ మహిళ తన ఇద్దరు కుమార్తెలకు కడుపు నొప్పిగా ఉందని, మానసికంగా తీవ్ర ఒత్తిడికి గురవుతున్నారని చెప్పి ఆస్పత్రికి తీసుకువచ్చింది. వారిద్దరి పరిస్థితి ఆందోళనకరంగా ఉండటంతో వైద్యులకు అనుమానం వచ్చింది. వారు ఆరా తీయగా అసలు విషయం బయటపడింది. వారి తండ్రే వారిపై లైంగిక దాడికి పాల్పడుతున్నాడనే భయంకరమైన నిజం వెలుగులోకి వచ్చింది. ఈ విషయాన్ని పశ్చిమ జైపూర్ డీసీపీ అమిత్ కుమార్ మీడియాకు వెల్లడించారు.
ఆస్పత్రి ద్వారా సమాచారం అందుకున్న 'ఆస్రా ఫౌండేషన్', బాలల హక్కుల కోసం పనిచేసే 'అసోసియేషన్ ఫర్ వాలంటరీ యాక్షన్' అనే స్వచ్ఛంద సంస్థకు ఈ నెల 21న ఈ విషయాన్ని తెలియజేసింది. ఎన్జీఓ ప్రతినిధులు బాధితుల తల్లిని సంప్రదించగా.. ఆమె భర్తకు, సమాజానికి భయపడి పోలీసులకు ఫిర్యాదు చేసేందుకు నిరాకరించింది.
దీంతో పోలీసులు ఒక ప్రత్యేక కార్యాచరణను రూపొందించారు. చిత్రకూట్ సర్కిల్ ఇన్స్పెక్టర్ అంతిమ్ శర్మ, ఎన్జీఓ ప్రతినిధుల సమక్షంలో బాధితురాలైన తల్లికి, కుమార్తెలకు సురక్షితమైన ప్రదేశంలో కౌన్సెలింగ్ ఏర్పాటు చేశారు. తల్లి ఫిర్యాదు చేయడానికి నిరాకరించడంతో ఈ కౌన్సెలింగ్ ప్రక్రియను మొత్తం రహస్య కెమెరాలో చిత్రీకరించారు.
"తల్లి ఫిర్యాదు చేసేందుకు భయపడటంతో, రహస్యంగా వీడియో తీసి సాక్ష్యాలు సేకరించాలని నిర్ణయించాం" అని డీసీపీ అమిత్ కుమార్ వివరించారు. ఎన్జీఓ నివేదిక, రహస్య కెమెరాలో రికార్డ్ అయిన కౌన్సెలింగ్ వీడియోను కీలక ఆధారాలుగా పరిగణించి, సదర్ పోలీస్ స్టేషన్లో పోలీసులు ఎఫ్ఐఆర్ నమోదు చేశారు. అనంతరం బాలికలకు వైద్య పరీక్షలు నిర్వహించగా, అత్యాచారం జరిగినట్లు నిర్ధారణ అయింది.
పక్కా ఆధారాలతో నిందితుడైన తండ్రిని అరెస్ట్ చేసి కోర్టులో హాజరుపరచగా, న్యాయస్థానం అతడికి జ్యుడీషియల్ రిమాండ్ విధించింది. ప్రాథమిక విచారణలో నిందితుడు గత ఐదేళ్లుగా ఈ పైశాచికత్వానికి పాల్పడుతున్నట్లు తేలిందని పోలీసులు తెలిపారు. కేసు దర్యాప్తును ఒక సీనియర్ అధికారికి అప్పగించారు.
కడుపు నొప్పి చెప్పిన నిజం
ఈ నెల 20న ఓ మహిళ తన ఇద్దరు కుమార్తెలకు కడుపు నొప్పిగా ఉందని, మానసికంగా తీవ్ర ఒత్తిడికి గురవుతున్నారని చెప్పి ఆస్పత్రికి తీసుకువచ్చింది. వారిద్దరి పరిస్థితి ఆందోళనకరంగా ఉండటంతో వైద్యులకు అనుమానం వచ్చింది. వారు ఆరా తీయగా అసలు విషయం బయటపడింది. వారి తండ్రే వారిపై లైంగిక దాడికి పాల్పడుతున్నాడనే భయంకరమైన నిజం వెలుగులోకి వచ్చింది. ఈ విషయాన్ని పశ్చిమ జైపూర్ డీసీపీ అమిత్ కుమార్ మీడియాకు వెల్లడించారు.
ఆస్పత్రి ద్వారా సమాచారం అందుకున్న 'ఆస్రా ఫౌండేషన్', బాలల హక్కుల కోసం పనిచేసే 'అసోసియేషన్ ఫర్ వాలంటరీ యాక్షన్' అనే స్వచ్ఛంద సంస్థకు ఈ నెల 21న ఈ విషయాన్ని తెలియజేసింది. ఎన్జీఓ ప్రతినిధులు బాధితుల తల్లిని సంప్రదించగా.. ఆమె భర్తకు, సమాజానికి భయపడి పోలీసులకు ఫిర్యాదు చేసేందుకు నిరాకరించింది.
దీంతో పోలీసులు ఒక ప్రత్యేక కార్యాచరణను రూపొందించారు. చిత్రకూట్ సర్కిల్ ఇన్స్పెక్టర్ అంతిమ్ శర్మ, ఎన్జీఓ ప్రతినిధుల సమక్షంలో బాధితురాలైన తల్లికి, కుమార్తెలకు సురక్షితమైన ప్రదేశంలో కౌన్సెలింగ్ ఏర్పాటు చేశారు. తల్లి ఫిర్యాదు చేయడానికి నిరాకరించడంతో ఈ కౌన్సెలింగ్ ప్రక్రియను మొత్తం రహస్య కెమెరాలో చిత్రీకరించారు.
"తల్లి ఫిర్యాదు చేసేందుకు భయపడటంతో, రహస్యంగా వీడియో తీసి సాక్ష్యాలు సేకరించాలని నిర్ణయించాం" అని డీసీపీ అమిత్ కుమార్ వివరించారు. ఎన్జీఓ నివేదిక, రహస్య కెమెరాలో రికార్డ్ అయిన కౌన్సెలింగ్ వీడియోను కీలక ఆధారాలుగా పరిగణించి, సదర్ పోలీస్ స్టేషన్లో పోలీసులు ఎఫ్ఐఆర్ నమోదు చేశారు. అనంతరం బాలికలకు వైద్య పరీక్షలు నిర్వహించగా, అత్యాచారం జరిగినట్లు నిర్ధారణ అయింది.
పక్కా ఆధారాలతో నిందితుడైన తండ్రిని అరెస్ట్ చేసి కోర్టులో హాజరుపరచగా, న్యాయస్థానం అతడికి జ్యుడీషియల్ రిమాండ్ విధించింది. ప్రాథమిక విచారణలో నిందితుడు గత ఐదేళ్లుగా ఈ పైశాచికత్వానికి పాల్పడుతున్నట్లు తేలిందని పోలీసులు తెలిపారు. కేసు దర్యాప్తును ఒక సీనియర్ అధికారికి అప్పగించారు.
