CBI: ఆపరేషన్ చక్ర-V... దేశంలో 8.5 లక్షల మ్యూల్ ఖాతాల గుర్తింపు
దేశంలో పెరిగిపోతున్న సైబర్ నేరాలపై సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) తీవ్ర స్థాయిలో దృష్టి సారించింది. 'ఆపరేషన్ చక్ర-V' పేరిట గురువారం దేశవ్యాప్తంగా పలు రాష్ట్రాల్లో మెరుపు దాడులు నిర్వహించింది. యూపీఐ ద్వారా వ్యవస్థీకృత నేరాలకు పాల్పడుతూ, అమాయకుల నుంచి కోట్లాది రూపాయలు కొల్లగొడుతున్న ముఠాలను లక్ష్యంగా చేసుకుని ఈ ఆపరేషన్ చేపట్టింది. ఈ దాడుల్లో భాగంగా ఇప్పటివరకు 9 మందిని అరెస్ట్ చేసినట్లు సీబీఐ అధికారులు వెల్లడించారు.
ఐదు రాష్ట్రాల్లో ఏకకాలంలో సోదాలు
నిఘా వర్గాల నుంచి అందిన కచ్చితమైన సమాచారం మేరకు, సీబీఐ బృందాలు ఈ దాడులను సమన్వయంతో నిర్వహించాయి. రాజస్థాన్, దిల్లీ, హరియాణా, ఉత్తరాఖండ్, ఉత్తరప్రదేశ్ రాష్ట్రాల్లోని మొత్తం 42 ప్రాంతాల్లో ఏకకాలంలో సోదాలు జరిపారు. "నిర్దిష్ట సమాచారం ఆధారంగా, పూర్తిస్థాయి ధ్రువీకరణ అనంతరం 'ఆపరేషన్ చక్ర-V'లో భాగంగా ఐదు రాష్ట్రాల్లోని 42 ప్రదేశాల్లో సమన్వయంతో కూడిన సోదాలు ప్రారంభించాం. మ్యూల్ బ్యాంకు ఖాతాలను ఉపయోగించి వ్యవస్థీకృత నేరాలకు పాల్పడుతున్న సైబర్ నేరగాళ్ల మోసపూరిత కార్యకలాపాలను అడ్డుకోవడమే ఈ ఆపరేషన్ ముఖ్య ఉద్దేశం" అని సీబీఐ ఒక అధికారిక ప్రకటనలో స్పష్టం చేసింది.
మ్యూల్ ఖాతాలతో మోసాల వల
ఈ సైబర్ నేరగాళ్లు మోసపూరిత ప్రకటనలు, పెట్టుబడి మోసాలు, యూపీఐ ఆధారిత ఆర్థిక మోసాల ద్వారా బాధితుల నుంచి దండుకున్న అక్రమ డబ్బును బదిలీ చేయడానికి, విత్డ్రా చేసుకోవడానికి పెద్దఎత్తున మ్యూల్ ఖాతాలను ఉపయోగిస్తున్నట్లు సీబీఐ దర్యాప్తులో తేలింది. దాదాపు 700 బ్యాంకు శాఖల పరిధిలోని సుమారు 8.5 లక్షల మ్యూల్ ఖాతాల ద్వారా ఈ మోసాలు జరుగుతున్నాయని సీబీఐ గుర్తించింది. ఈ ఖాతాల ద్వారా నిధులను మళ్లించి, ఆ తర్వాత వాటిని విత్డ్రా చేసుకుంటున్నారని అధికారులు తెలిపారు.
నేరాలు, కుంభకోణాలు, మోసాలు వంటి అక్రమ మార్గాల్లో డబ్బు సంపాదించిన వ్యక్తులు, ఆ డబ్బును దర్యాప్తు సంస్థల కంటపడకుండా దాచుకోవడానికి ఇతరుల పేర్లతో బ్యాంకు ఖాతాలు తెరుస్తారు. అక్రమంగా సంపాదించిన సొమ్మును ఈ ఖాతాల్లోకి మళ్లిస్తారు. ఇలాంటి ఖాతాలనే 'మ్యూల్ ఖాతాలు' అంటారు.
ఐదు రాష్ట్రాల్లో ఏకకాలంలో సోదాలు
నిఘా వర్గాల నుంచి అందిన కచ్చితమైన సమాచారం మేరకు, సీబీఐ బృందాలు ఈ దాడులను సమన్వయంతో నిర్వహించాయి. రాజస్థాన్, దిల్లీ, హరియాణా, ఉత్తరాఖండ్, ఉత్తరప్రదేశ్ రాష్ట్రాల్లోని మొత్తం 42 ప్రాంతాల్లో ఏకకాలంలో సోదాలు జరిపారు. "నిర్దిష్ట సమాచారం ఆధారంగా, పూర్తిస్థాయి ధ్రువీకరణ అనంతరం 'ఆపరేషన్ చక్ర-V'లో భాగంగా ఐదు రాష్ట్రాల్లోని 42 ప్రదేశాల్లో సమన్వయంతో కూడిన సోదాలు ప్రారంభించాం. మ్యూల్ బ్యాంకు ఖాతాలను ఉపయోగించి వ్యవస్థీకృత నేరాలకు పాల్పడుతున్న సైబర్ నేరగాళ్ల మోసపూరిత కార్యకలాపాలను అడ్డుకోవడమే ఈ ఆపరేషన్ ముఖ్య ఉద్దేశం" అని సీబీఐ ఒక అధికారిక ప్రకటనలో స్పష్టం చేసింది.
మ్యూల్ ఖాతాలతో మోసాల వల
ఈ సైబర్ నేరగాళ్లు మోసపూరిత ప్రకటనలు, పెట్టుబడి మోసాలు, యూపీఐ ఆధారిత ఆర్థిక మోసాల ద్వారా బాధితుల నుంచి దండుకున్న అక్రమ డబ్బును బదిలీ చేయడానికి, విత్డ్రా చేసుకోవడానికి పెద్దఎత్తున మ్యూల్ ఖాతాలను ఉపయోగిస్తున్నట్లు సీబీఐ దర్యాప్తులో తేలింది. దాదాపు 700 బ్యాంకు శాఖల పరిధిలోని సుమారు 8.5 లక్షల మ్యూల్ ఖాతాల ద్వారా ఈ మోసాలు జరుగుతున్నాయని సీబీఐ గుర్తించింది. ఈ ఖాతాల ద్వారా నిధులను మళ్లించి, ఆ తర్వాత వాటిని విత్డ్రా చేసుకుంటున్నారని అధికారులు తెలిపారు.
నేరాలు, కుంభకోణాలు, మోసాలు వంటి అక్రమ మార్గాల్లో డబ్బు సంపాదించిన వ్యక్తులు, ఆ డబ్బును దర్యాప్తు సంస్థల కంటపడకుండా దాచుకోవడానికి ఇతరుల పేర్లతో బ్యాంకు ఖాతాలు తెరుస్తారు. అక్రమంగా సంపాదించిన సొమ్మును ఈ ఖాతాల్లోకి మళ్లిస్తారు. ఇలాంటి ఖాతాలనే 'మ్యూల్ ఖాతాలు' అంటారు.
